كيفكم كروشات وكيف البيبيات، الله يجيبهم بالسلامه ونفرح فيهم يارب :32:
انا بصراحه قبل فتره سويت بحث عن افضل مكان بالرياض يسوي التصوير الرباعي لان كان بخاطري انو اشوف جنيني وفي نفس الوقت تبقى ذكريات حلوه للجنين وبرضوه مررررره كان ودي اتأكد من الجنس، المهم بعد البحث والتحري حسيت ان افضل مكان هو بسمة الؤلؤة اللي بالسليمانية وفعلا خذيت رقمهم من موقعهم واتصلت عليهم وحجزت لي موعد، وللعلم قالت لي السعر بـ 350 ريال للأشعة بعد 50٪ تخفيض، وفتح الملف مجاني، والحمدلله تسهلت وفعلا رحت وانبسطت كثيييييير بالتجربه :o، طبعا جلست حول نص ساعه وهي تحوس ببطني وتوريني والدكتوره كان اسمها ختام وكانت حبوبة ونفسها حلوه على الرغم ان اليوم اللي رحت فيه كان زحمممه، واعطوني بالنهاية تصوير الفيديو كامل على DVD ومجموعة صور يمكن حول 12 صوره تقريبا اغلبها صور التصور الرباعي (الصور نفس التصوير الرباعي لكنها ابيض واسود مو ملونه مثل الفيديو) وكم وحده كان فيها مقاسات للجنين ومعلومات عامه، الدكتوره ختام مثل ما سبق قلت حبوبه ونفسها حلوه، بس حسيت (والله اعلم احساسي صحيح او لا) انها مو خبيره كثير بالتعامل مع التصوير الرباعي.
طبعا انا سويت التصوير الرباعي بالظبط وانا 22 اسبوع و 4 ايام، وقالت لي الدكتوره ختام بنت بنسبة اكيدة تقريبا، على الرغم انو في مراجعاتي السابقة مع دكتورتي اللي اراجع معاها قالت لي انو الغالب ولد (باستخدام الالترا ساوند العادي)، وانا بصراحه لازلت شاكه بنوع الجنين لان الدكتوره ختام بالتصوير الرباعي اعتمدت في كلامها على عدم رؤيتها لاعضاء ذكرية وليس على رؤيتها وبوضوح على اعضاء انثوية، وعلى انها قالت لي انو بالتصوير الابيض والاسود في 3 خطوط بس عجزت اشوفهن، بالعكس كنت اشوف شي منتفخ، طبعا انا ما تفرق معاي بنت او ولد اللي من الله حياه الله اهم شي الصلاح والصحه والعافيه، لكن كان بخاطري اعرف جنس جنيني، وبالعموم انا عندي موعد الاسبوع الجاي مع دكتورتي اللي اراجع معاها وبنشوف ايش يصير بالنسبه للجنس، لكن بصراحه بالعموم تجربة التصوير الرباعي مررررره عجبتني وانبسطت عليها وماتحسفت ابد اني سويتها، وعلى فكره بحسب كلام دكتوره ختام ان الوقت اللي سويت فيها التصوير الرباعي (22 اسبوع وحوله) هو افضل وقت يبين فيه الجنين بالرباعي بشكل حلو :)
طبعا رفعت لكم تصويري الفيديو اللي سويته (التصوير مثل ماسبق قلت استغرق نص ساعه كامله، فللاختصار وعشان ما يصير في ملل قطعت الفيديو وظبطته بحيث ان الصور اللي مو واضحه شلتها وخليت بس الافضل) عشان تشوفون بنفسكم كيف هو، وبتلاحظون اثناء التصوير كيف ان الدكتوره كانت تأشر على بعض المناطق بجسم جنيني لانها كانت تشرح لي كيف انو كل شي طبيعي وكويس، وباخر الفيديو بتشوفون الافخاذ والسيقان وكيف انو بينهم مافي غير انتفاخ بسيط بحسب كلامها لي انو عباره عن انتفاخ الاشفار فقط (طبعا انا لسا مو متاكده للحين هل كيس الصفن في حال كان ولد يعتبر نزل والمفروض يبين او لسا!؟ لانو بالنسبه للعضو الذكري نفسه الافخاذ مغطيه فمو مبين بالتصوير وجوده من عدمه)، وعلى فكرة يابنات كنت احسب ان التصوير الرباعي ادق من العادي بتحديد جنس الجنين، بس بعد مابحثت وقريت اكتشفت ان العادي يعتبر ادق، بشرط تكون الدكتوره خبيره.
وهذا الفيديو لكم ياحبوبات واهم شي لا تفوتكم حركة جنيني بالاصابع بالبداية لمن سوا حبتين
وهذي لكم :26:
ويجيبة ربى كامل الخلق والخلقة ويطعمك برة سواء بنت او ولد
وفعلا تجرية التصوير الرياعى ممتعة