تجربتي بالتلقيح الناجح

يسعد اوقاتكم با صبايا
حبيت اكتبلكم تجربتي بالتلقيح الصناعي الناجحه وتستفيدو للمقبلات ع هالشي
اولا بشكر ربنا الي اكرمني بالحمل وربنا يتمملي ع خير يارب
وبتشكر كل صبيه هون دعتلي وربنا يجبر خاطركم ويارب يطعمهم لكل مشتهي بجاه هالايام الفضيله

رح تكتبلك بتفضيل شو عملت حتى تعملو متلي
طبعا الفوليك اسيد مهم قبل كل العلاج بشهر نبلش تشربو
انا بلشت رحله التلقيح بداية شهر ٢(شباط)
اخدت ٣ ابر جونال ف ٧٥ في البطن وكانو يوم بعد يوم اثنين واربعا وجمعه
بدي انصحكم نصيحه خلال هاي الايام كثري شرب عصير اناناس لانو كتير كويس بزيد تنشيط المبايض
بنسبة للابر اعراضهم هوه وجع بالبطن والضهر والمعده بتحس الوحده متل الغليان ونار جواها بس لازم تتحملي هالتعب عشان عيون البوبو المنتظر
كنت اشرب حليب بارد طوال الليل ونهار كان بهدي الوجع بنسبه كبيره الحمد لله
بعدها كان عندي موعد يوم الاحد فحص داخلي
كان عندي نازل ٥ بويضات الحمد لله وحددلي دكتوري كمان ابره هرمونيه كمان في البطن تم اخدها يوم الاحد
بعدها وقفت شرب الاناناس
بعدها بيومين الثلاثاء كان موعد الابره التفجيريه وهاي الابره بالعضل ولازم الواحد ياخدها بالليل بس ما بعرف لي
طبعا يا صبايا خلال هاي الايام كل يوم داومت ع شرب الحليب
حددولي التلقيح يوم الخميس بعد اخد ابرة التفجير
كان التاريخ ١٣/٢ /٢٠٢٠
بوم الخميس صحيت وشربت كاسه مي مع معلقه نشاء لانو كتير منيح لتثبيت الاجنه
زوجي طلع قبلي وترك العينه حتى يشتغلو عليها ويجهزوها
طلعت ع المشفى عالساعه ١١
والحمد لله دخلوها وجهزونا ودخلو الابره وعفكره ما في اي وجع ولا بتشعري باي شي ابدا ابدا
وبعدا ب٥ دقايق نزلت عن التخت
مش متل ما بحكو لازم اضل الوحده ساعه مدده ع ضهرها لا بالعكس بس ٥ دقايق وحكتلي الدكتوره يلا البسي
وروحت ع البيت
وكمان الدكتوره ما اعطتني دواء مثبت ولا اي شي
لانو حالتي ما بتحتاج والحمد لله انا وزوجي سليمين ولكن شاء ربنا خلال هالسنتين ما يحصل حمل معي
طبعا النصائح هيه انو ما تحملي شي تقيل او تزيحي شي ولا تطلعي درج
ال٥ الايام الاولى لازم ترتاحي قدر الامكان اضلي مدده ع ضهرك ادللي ويعملولك الاكل وانتي بتختك
من اول يوم التلقيح حتى ١٤ يوم لازم كل يوم الصبح تشربي معلقه نشاء كليره مع كاسه مي لانو مثبت باذن الله للحمل
وكمان من اول يوم التلقيح حتى ال١٤ لازم تكثري من الحليب - افوكادو - خيار بشكل كبير
هدول يا صبايا لازم اضلي تاكليهم لانهم بثبتو الاجنه باذن الله تعالى
الاعراض الي ممكن تحسي فيها
انا بنسه اللي اول يوم التلقيح كان في تقل من تحت وبعدا بلش يخف
خلال الاسبوع الاول كان عندي غازات كتيره
واوجاع بضهري شي بحرق
والحمد لله ما حسيت بعدا باي شي اعراض من الي منسمع عنهم
وما دخل الي بحكي انو في اعراض قويه انو نجاح التلقيح لا لا ابدا
انا وا حسيت بشي والحمد لله نجحت
يوم ال١٤ كان موعد الدوره انا دورتي ٢٧ يوم وانا من النوع الي دورتي ما بتوجعني
بس بيوم ال١٤ وال١٥ و١٦ كان عندي اوجاع دوره قوي بطن وضهر وهاي اول مره بتحصل معي
المفروض اعمل التحليل باليوم ال١٤ ولكن انا اخدت حالي ليوم ال٢٠
بصراحه خوف وقلق ااو اني انصدم
بعدا زوجي جاب تست الحمل المنزلي وعملت التست والحمد لله الي ربنا فرحني وطلعت النتيجه خطين غامقين
وكانت سعادتي لا تنوصف والهي يفرح قلب كل صبيه هون يا الله بالحمل
وبعدا عملت فحص دم وبرضو النتيجه موجب
وان شالله كل الصبايا المنتظرين الحمل ربنا يطعمهم الذريه الصالحه وما يحرم حدا يا الله
😍😍😍