تجربتي بالشميسي للولاده

بسم الله
انا لي والده 10 ايام
يمكن البعض شاف مواضيعي كنت اسال عن مستشفى الشميسي والغالب مدحه بس ماطلع مثل ماتوقعت للاسف :44:
المهم بدخل بقصتي
انا بكري قيصري من 4 سنوات
وحملت وكان كل شي طبيعي بالشهر التاسع كنت احس الم بسييط بمكان العمليه وشوية حكه
المهم كنت امشي كثير وجربت وصفه الاعشاب الي هنا بالمنتدى من اول اسبوع بالتاسع ولما ماشفت نتيجه بطلتها واستمريت علا موية الزمزم والزعفران والجماع بس مو كثير وكمان اخر اسبوع كنت اشم حلتيته مرتين باليوم المهم علا موعدي 6/5 كشفت من تحت وطلع 1 ونص بس واعطتني موعد 13 /6 وبعد مارجعت استمريت علا تمارين القرفصا يوميا والزمزم الخميس 6/10 رحت لمستوصف عشان اسوي تحريض لانو بجد ملييت كنت بالاسبوع الاربعين المهم كشفت وقالت لي 2 ونص وانو الرحم لين بس الراس شوي مرتفع رغم انو بطني نااازل مره وكنت اخر يومين قبل اولد امشي نص ساعه بالممشى. المهم وقت الجد الجمعه اخر يوم بالتاسع وهو كمان موعد المتوقع للولاده صحيت الظهر علا مغص شديييد ابدا ماتوقعت طلق وكان منتظم قمت لدورة المياه الا اشوووف السداده نزلت علا طول خبرت زوجي ورحت علا طواري الشميسي الله لايعيده الساعه لما رحت 1 ونص تقريبا
وانا بالطريق شربت خروع نص علا عصير نرجع نكمل
اخذو الضغط والوزن والمعلومات وجلسوني بالانتظار والام يزيد معي رحت لهم وقلت بسرعه تعبت
وبعدها كشفت علي وحده مصريه طيوبه وقالت لي 4 ونص
وتنويم طبعا اخذت شنطت الملابس معي وودعت زوجي
ودخلوني اغير ملابسي وعباتي تخليوو يحطون العبايه بكياس الزباله وانتو بكرامه لونها اسود وصغار:mad::mad:
المهم رحت لغرفة الولاده حطولي المغذي وركبو التخطيط حزام التخطيط مليان دم وشوي جا طالب متدرب دخل وجلس يسالني كذا اساله وطلع
وبعدها طلبت مسكن اعطتني ابره للترجيع ومسكن واكسجين
ضليت كل ساعتين كشف وكان يفتح الحمدالله ولا شوي جا دكتوور اردني اتوقع انا وافقت علا بالي لاني قيصري قبل عشان يتطمن ماتوقعت هو الي بيولدني يارب سامحني بس من التعب كنت ابي اخلص وارتااح المهم كشف المغرب الساعه 7 وقالي مفتوح 7 وفكلي المويه وزااد الطلق معي واتلواا من الالم واغفى شوي وارجع اصحى عالالم وكانو يتناوبون مره دكتور ومره دكتوره لحد الساعه 11 وفتح عشررررره وانا احس بالدفع واحس روحي بتطلع قسم ندمت ليتني طلبت قيصري ماتوقعت الطبيعي عذاب المهم جا الدكتور ومعاه متدرب كملت :icon33:
والدكتوره معه مصريه وفيه فلبينيه كمان وسعوديه عند راسي الي تنضف البيبي
وكلهم يحاولون فيني ادفع بس انا مره تزبط وعشره لاا تعتب وهم يهاوشوني
ويهددوني انهم بيدخلوني عمليه يقولون نشوف الراس بس دفعك غلط قاعده اترجااه انو يسحبها بالشفط يقولي لا مضرر ماينفع وياربي طلعت روحي وانا ادف من 11 وشي الا 12 واخر شي طفييييت وطلعت قسم اني ماصدقت يالله فرحت اني شفت بنتييي وكنت علا اعصابي لحد ماقالولي انها بنت ويباركون لي طبعا نظفتها وجابتها عندي شوي واخذتها ولبسوها من ملابس الي جبتها وبعدين الدكتور ضغط علا بطني وطعلو المشيمه وظل ينضف والطالب كان واقف يشوف حتا الخياطه قسم احرااااج :(
وبعدين اعطوني بنج وطووول حدود النص ساعه وهو يخيط وقالي انتي كانت عندك التهاب وهو فعلا كان عندي التهاب بسيط المهم سوالي من جوا وبرا والغرز كثيره قريبه من الخلف مدري ليه سوا كذا رغم انها صغير حجم بنتي 3 كيلو بس ايه كمان لما خلص دخل جوا شاش وقال بعد ساعتين ارجع اطلعه

المهم بعد كذا طلعوني غرفت الملاحظه وفعلا جا يكشف وطلع الشاش خخخخ خفت انسى وهو ينسى طول الوقت علا اعصابي اعطوني عشا وبنتي طول الوقت معي ماخذوها بعد كذا طلعت غرفتي وكانت فيه وحده والغرفه ضييقه والحمام وانتو بكرامه صغير والمويه يالله تنزل ومو ذيك النظافه ابدا ماتوقعته كذا ولما اضغط الجرس ابيهم بشي ساااعه انتظرر :icon33:
باليوم الثاني
توقعتهم يغيرون المفرش ابدا نفس ماهو وشوي الاا ماشالله اشوف عامل ينضف الارضياات الممرات بكلوور ريتحه قوييه مرره علا طول سكرنا الباب:mad:
والي بجنبي كانت سالفتها سالفه مع هالمستشفى صار عندها خلع بالورك لما كانت تولد الدكتوره فتحت رجلها بقوه:icon33:
المهم يوم الاحد الحمدالله طلعت بالسلامه
اييييييه ماقلت لكم انهم ضيعوو عباااتي مع ملابسي الي كنت جايه فيها رغم انو كان اسمي مكتوب عالكيس :confused::confused::44:
الحمدالله على كل حال
هاذا كل الي صار معي وتوبه اعيد تجربتة الطبيعي والمستشفى
صح انو الطبيعي الم الخياط اهون من القيصري بس الدفع هو الي كرهني بالولاده والم الخياطه اسبوع وصاار خفيف ماعد احس فيه بس طلعت لي بواسير وتالمني شوي وماصرفولي غير مضاد وفيفادول بسس

معليش احس الكلام مخربط والله داايخه بس حبيت اذكر تجربتي :a_smil08:
ومابي غير تدعولي بالوظيفه وسدااد دين زوجي ويحفضلي زوجي وعيالي