هذا ثالث موضوع اكتبه عن هالممسحة وهذا الموضوع سويته بناء على رغبة بعض الاخوات
راح اوريكم الصور قبل وبعد بس مدري اذا واضح الفرق او لا بس
بالنسبة لي مميزات هالمكنسة بالذات تعقم
وتنظف اي سطح ناعم سيراميك مشمع بلاط و
خفيفة
ومافيها اي تعقيد تعبين التانكي موية والسلام
وتنظيفها سريع من اول تمريره وينشف الموية بسرعة
يجي معاها 4 قعط غيار من ضمنهم منشفة وقطع بلاستيكية للسجاد وكاسة مقياس تعبين فيها الموية
عيوبها انها ماتصلح للي بيوتهم كبيرة لانه كل غرفه يبيلك تعبينها مويه بسرعة تخلص مويتها تكفي لغرفة بس
وماتنظف السجاد مرة انا جربتها على الكنب والسجاد عطته نظارة وفتحت السجاد وبعض البقع راحت معالمها يمكن لانه اللي عندي ناشفة وقديمة يمكن لو الوسخ طازة بيروح واهم شئ انها عقمت السجاد والكنب يعني اذا عندك شئ انكب شيليه ونظفيه بعدين كملي فيها وعقمي المكان
يعني بالصراحة تشيل هم تنظيف السيراميك بالمرة وتريحك من السطل والفوطة وكسر الظهر رايحة جاية عالوسخ هذة من اول مرة تشيل الوسخ وتعطي لمعة حللللللللللللوة يعني القنوعة بتعجبها مثلي
والحين اترككم مع الصور
هذه بعد ماعبيتها وشغلتها لازم تتركينها 3 دقايق على مايسخن الموية والزر الاحمر يولع اذا خلصت الموية والزر البنفسجي الكبير للتشغيل والتقفيل هذا قبل ولاحظوا البقع الصغيرة واللمعة تعكس كيف تكون اوضح بعد المسح
اثناء التمرير
وهنا بعد مانشف الموية
وهنا تعبت المنشفة موية وتوسخت مرة غيرتها بجديدة شوفوا الفرق كيف
صورت بقع بالمطبخ قبل وبعد والفرق فيها واضح بس مسحو الصور من لقافتهم لانه امس نظفت البيت ومن امس لليوم لعبوا فيني لعب ومسكين جوالي مااقدر اخبيه ولدي يجيب كرسي ويطلع يجيبه
ودي احط صور كثيرة بس عيالي الله يهديم ازعجوني حسبوني العب معاهم كل شوي يبون يشوف الصور وصوريني
وانا امسح وهم يطبعون برجولهم طفشوني وبطلت اصور بالعافية صورت كم هالصورة عشان وعدتكم حتى الحين قاعدين على راسي يبون يشوفون الصور ذابحتهم هالصور مالومهم اول مرة انزل موضوع بصور
صورت بقع بالمطبخ قبل وبعد والفرق فيها واضح بس مسحو الصور من لقافتهم لانه امس نظفت البيت ومن امس لليوم لعبوا فيني لعب ومسكين جوالي مااقدر اخبيه ولدي يجيب كرسي ويطلع يجيبه
اذا عجبكم الموضوع ادعولي ربي يعطيني اللي بخاطري ويهدي عيالي ويفرحني فيهم يارب