تجربتي بتطويل الرموش و العناية بمنطقة العيون

صباااااااااااااااايا يا حلوات اليوم بدي انقللكن تجربتي للعناية بمنطقة العيون
انا رح احكيلكن كيف كانت عيوني قبل
انا كنت اسهر فطلع سواد بسيط جداا تحت عيوني بس لأني بخاف دورت له على حلول و كمان حبيت اطول رموشي
فالمهم بحثت فقرات عن زيت جنين القمح لإزالة السواد تحت العيون و بالصدفة كنت بحكيلها لماما عنه و كنت جارتنا عنا فقالتلي جارتنا انو هي جربته و كان ممتاز و فعلا بديت اجربو احط على قطنة و امسح كويس تحت عيوني مرة او مرتين باليوم
اما بالنسبة للرموش فاشتريت زيت الخروع و كل يوم قبل ما نام احط على اطراف رموشي السفلية و العلوية و فعلا نتيجته روووعة حتى اللي بيعرفوني قالولي رموشك صاروا طوال و متل ما يكون محطوطلهم مسكرا و كمان انا طول هالفترة كمان جربت احط ظرف الشاي بعد ما اخلص منه على عيوني و حطيت بطاطا و خيار احيانا \ضليت هيك فترة شهر تقريبا و النتيجة كانت حلوة كتير بس بعدين رجعت اسهر بس اجت العطلة و مرة تانية رح ارجع اعمل نفس البروجرام كرمال رجع اطلالتي متل ما كانت
بتمنى اكون افدتكم و إن شاء الله تعجبكن نصايحي