تجربتي بتنشيط هالشهر الله يتمم لي على خير.

السلام عليكم ورحمة الله وبركاته

الله يرزقنا واياكم ان شاء الله بالذريه الصالحه

بنات وربي يشهد على كل شي بكتبه ..

انا لي فتره ماحملت وسبحان الله بديت اتعالج قريب بالمستشفى

رحت للمرخه قالت لي مافيك شي لارحمك ماقلوب ولا عندك اي شي بس يمكن فيك سدد

خذي هالسفوف اشربيه مع الحليب وشي اخذه مع العسل

المهم يابنات مرختني ذاك اليوم وثاني يوم وبعدها ماجيتها لان الدوره قعدت 5 شهور ماتنزل


ومثل الي ماتششجعت اني ارجع لها ولا رجعت لها مع انه خالتي كان رحمها مقلوب راحت لها

مرختها وحملت بعد ثلاث شهور ماشاء الله ..

المهم

قالو لي روحي لدكتور رحت وصار عندي ضعف تبويض واعطاني كلوميد وصار تنشيط

وكل شي تمام وانتظرت الدوره وجاتني بوقتها وصارت لي ظروف وتركت الدكتور ماكملت العلاج


بعدين رجعت له وقلت بستمر .. شهر استمريت معاه ضربت 13 ابره تنشيط

وربي كنت اتعب من الابر لأاني متقيده كل يوم اروح اضربها وكل بعد كم يوم سونار

كانت نفسييتي تصير موشي


الشهر ذا تخيلو بس جيت عنده من ثالث يوم بدوره اعطاني ابره

وقالي كل يوم اضربي ابره الين يوم الاحد وتعالي لي

تقريبا للحين 5 ابر..سويت سونار اليوم الصبح قال ماشاء الله تبارك الله

مايحتاج اعطيك ابرالحين بخليك وتعالي لي يوم الاربعاء ذا


سئلني ايش استخدمتي وكان مو مصدق اني اخذت بس5 ابر


لان التبويض كان عندي ممتاااز وصل ل 11 ونص واليوم التاسع لدوره كان

للعلم انا ترا التبويض عندي يجي متاخر


والشهر الي جيت وسويت تنشيط عنده ماوصلت لهالنتيجه مع انه كان اخذ ابر منشطه

كثير
المهم


بعد الله ورحمته السبب كان البردقوووش

استخدمته وربي كل يوم اسوي لي بكوب

واشربه بس كوب واحد باليوم صبح او ليل او اي وقت اشتهي واتذكره اقوم واسوي لي

بردقوش ناشف من العطار اخذته ويوم اشربه اقول يارب لاتضيع تعبنا واجعله نافع غير ضار لي


حتى صرت احب طعمه مع اني بالبدايه ماتقبلت طعمه ابد ابد



حبيت افيدكم عن تجربتي وربي ريحيني من الابررر


مع العلم يابنات الشهر الي راجعت عنده وربي ضربت تقريبا 13 ابره:44:


الله لايضيع تعبنا انا وزوجي هالشهر ويرزقني ويرحمني برحمته ويكتب لي الحمل ان شاءالله :frown:

امانه ادعو لي لو بـ بينكم وبين انفسكم للي مالها نفس تكتب رد وترد :frown:




تذكرت : نسيت اقول لكم جربت خلطه انا وقت الدوره

الي هي قرنفل مطحون وعنزروت و سمنه


استخدمتها هالشهر ذا وانا الدوره ماتطول عندي تقعد بالكثير 4 ايام وثالث يوم ورابع يوم ماينزل شي غير كدره


بس وربي الشهر ذا نزل مني شي غير عن الشهور الي قبل ماقول نزل مني مثل تجارب البنات قطع ودم اسود ومدري وش

لا بس نزل مني دم غير عن المعتاد وطولت الدوره ... والله الموفق والله الرزاق جعله يرزقنا كلنا