لين444 @lyn444
محررة ذهبية
,,,تجربتي بعد الولاده والحساسيه ,,,
تذكرت تجربتي بعد الولاده قلت افيد بنات المنتدى زي ما استفدة منهم كثير تعرفون التغيرات الي تصير في الجسم من سمار في الرقبه والبطن خصوصا طبعا تجربتي من زمان والده خمس سنين بس تذكرتها قلت افيدكم فيها عسى احد يستفيد وتناسبه ويدعيلي ....
وهي اخلط ثلاث ملاعق حنا مع ملعقه كركم مطحون واعصر عليها ليمونه واخلطها بماء عادي يمكن تقريبا فنجالين مويه تكون الخلطه عموما سايله واخليها ساعه بعدين ادفيها في المكرويف 10 ثواني بس الى ان تصير دافيه واوزعها على جسمي كله واخليه اطول فتره ممكنه وانا في الحمام يمكن ربع ساعه بعدين افرك جسمي بصابونة دوف مع اليفه المغربيه وماء دافي بشكل دائري قد ماتقدري تفركي اديها فرك بعدين استحمي عادي
واذا طلعتي من الحمام رطبي جسمك مباشره بزيت اطفال او فازلين .
اول يوم بعد الخلطه يكون جسمك مصفر من الهرد بس يروح بسرعه من ثاني استحمام ويروح معاه السواد عني انا ناسبتني وصفة جسمي خصوصا الرقبه والبطن شالة سواد الولاده وتنشف حبوب الجسم الصغيره وتقشرها .
الخلطه الثانيه :
بقلكم قصتها اول وحده هداره بس في سبيل البشره استحملو جتني حساسيه في جسمي كامل من فتره قريبه والحمد لله عالجتها وراحت بس جلسة اثارها في جسمي كانها حروق استخدمت لها من عند الدكتور مقشرات بس مافدة خفت بس ماراحت الى ان مليت من هالكريمات والمقشرات وتركتها واستخدمت لها هالخلطه وفعلا عجيبه بس الي عندها تحسس وبشرتها رقيقه مره تبتعد عنها ولا تدعي علي حذرت من البدايه الخلطه هي :
ملعقتين حليب مجفف وملعقتين ملح الحليب وملعقه اكسجين (بركسيد ) حق الصبغه نسبة 3 % او 6% استخدمة الثنين كلها حلوه وتضيفين عليها فنجال شاي ماء ورد
وفي الحمام وزعيها على جسمك كامل وخليها قد ماتقدرين تتحملين
بعدين افركي جسمك بمويه دافيه وليفه وصابون مناسب وبتلاحظين الفرق من اول ماتطلعين من الحمام .
هذي خلطات من تجارب جربتها على نفسي الي يعجبها تدعيلي والي مايعجبها تدعيلي برضه .:27:
20
5K
يلزم عليك تسجيل الدخول أولًا لكتابة تعليق.
الصفحة الأخيرة
مشكوووورهـ يا قمر بجرب خلطتك