تجربتي بعد مقاطعة الشامبوهات التجارية " احلام بنفسجية" شكراً لك

السلام عليكم

كيفكم حوائيات

طبعاً ماشاء الله تبارك الرحمن كلكم مريتوا
ع موضوع المبدعه والمتفانيه احلام بنفسجية

اسأل الله ان يرزقها
الحمل السليم من دون تدخل طبي
وان يرزقها اطفال اصحاء تامين الخلقه 
ويرزقها برهم 

طبعاً هي قامت مشكورة بتوعيتنا
عن اضرار الشامبوهات وانا من زمان اقرأ
وادخل منظمة الصحة الامريكيه واشوف تحذيراتها

بس العجز اقراها واقول وين البديل
واسال الصيدلي يقول امن راجعت دكتوره جلديه
تقول عادي

اغسل شعري وقلبي يحترق
السدر ما يناسبني
ينفش شعر يحسسني 

طبعاً مريت من هنا حصلت موضوعها
عجبتني ردودها تعمقت لقيت بدائل
عرفت عن ايش ابحث

اخبركم عن شعري
طبيعة شعري دهنيه الفروه اطرافه قاسيه تعرفون
لما تستشورون شعوركم يجي كذا كأنه دبابيس
الفروه بعد 10 ساعات من الاستحمام تبدا تدهن

واللي فروتهم دهنيه يعرفون المعاناه مع الريحه
وماشاء الله ك متزوجه صعبه هالريحه تتشم

يوميا اتحمم وكان شامبو شعري كلير تدمر شعري
تعرفون مكان قبعه اليهود مثلها بقعة دهن اتروش او لا
ماتروح
ومنحرجه كل من سلم علي سالني وش هالبقعه
ان ربطت منديل يختمر ويطلع ريحه
هو كان ماشاء الله ناعم وخفيف وطويل
من بديت اقصه واصلح قصات يندمر تساقط
ودهنيته تزيد مع الرقيه والحنا يمشي الحال

وبيني وبين نفسي ادري انه من الشامبو
ف صرت اغير مره فاتيكا مره كلير مره هيربل اينسس

وهيربل الفتره القريبه طلع شامبو خالي من الالوان والسيلكون ومدري ناسيه
اندمر شعري تساقط جفاف بالاطراف والدهنيه زادت

من قريت موضوع اختنا احلام
جلست اقرا رد رد
بحثت ماحصلت ولما قريت رد وحده ان مجموعه
دكتور اورقانيك بصيدلية الدواء طيران عليها
بس قال خلصت
تضايقت قال في بديل
فيتشي الازرق بدون سيلكون ولا بارابين ولا الوان والاهم السولفات

ولان فيني حكه فضيعه اداني واحد يعالج الحكه
ويضفي لمعه ونعومه
اول غسله حسيت شعري كانه خفيف
فعلا مو تخيل بنات
الشعره خفت صح مو معطر وفيه رغوه بسيطه

بس النتيجه الاوليه تمام وراضيه
لحد ما القى مجموعه مناسبه

رحت بودي شوب
قالت مافي مجموعة الشعر الدهني
وكانت بتعطيني زبده لاطراف الشعر

وقلت ابرجع واشتريها
واشتري اشياء تصفيف الشعر ك واقي من الحراره
ي ليت لو حلومه تدلنا بما ان العيد ولازم استنفار  تسريحات

وعندي مناسبة زواج وقلبي يعورني ما ابي استشور
للعلم ماعمر الصبغه طبت شعري بعضهم يقول اصبغيه
وتروح الدهنيه اللي فيه بس اخاف من الشيب
خاصة انه خفيف وراح يبان


بنات ارمو كل الشامبوها اللي من السوق
جدا رديئه
شامبو فيتشي ب 95
وفي دوكري ب 75
ودايما الرخيص .....
واشتري صحة شعرك




وكل عام وانتم بخير
دعواتكم لي وان شعري يرجع زي ماكان
جد مو عارفه هالفتره احط حنه عشان الريحه
مره كل اسبوع وحلومه تقول مايصلح وكذا دكتور يقول كذا
الفواحات تجيب الشيب 
جد تعبانه اروح الدكتوره الفروه سليمه غيرت كذا دكتوره
واخر وحده منعتني عن الدهون البروتين والحليب ومشتقاته

صرت نباتيه سنه تعبت ومافي فايده
الحمدلله كلي امل تمتلي فراغات شعري وتقوى شعرتي
وتختفي الرائحه وتنقطع 

دعواتكم الموضوع للفائده وعشان تتحمسون وتتركونها