1- ماء غريب الانجليزي
تعطينه قد ملعقه الشاي ورا كل رضعه
2- بونسان من شركه هيملاايا و معروفه الشركه انه منتجاتها كلها اعشاب مافيها مواد كيميائيه
تعطينه 2.5 مل 3 مرات باليوم و اذ ما كفا عطيه ماي غريب
3- جيل دينتونكس
هذا العنصر الاساسي فيه زيت الشبنت حتى تشمي ريحه الشبنت بنفس البيبي و ينعطى منه 2 مل ونص اعتقد و معاه ابره خاصه فيه و ماله عدد معين للجرعات متى ما تحتاجين عطيه
و هذيلا هم افضل انواع ادويه طارده للغازات مستخلصه من الطبيعه
و بحذركم من نقطتين
1- ديروا بالكم تعطون عيالكم شاي الاعشاب بيبي كالم كذا دكتور اطفال بالكويت يحذر منه يقول في 3 حالاات للرضع شربوا منه و نامو و ما قعدوا
و عن نفسي لما كنت اشربه بنتي كنت ما انام بليل من صياحها و اخر شي قطعته و ماقمت اعطيها اياه
2- سكر النبات لا تحطونه للبيبي لانه تزيد من الغازات و هذا الكلام قالته لي الدكتوره
و طبعا انصح الي ترضع ولدها ترضيع صناعي باستخدام رضاعات ايفنت لانها تقلل من اندفاع الهوا الى معده الرضيع هي غاليه شوي بس تسوى و تلقونها بسنتر بوينت و مذركير
و ما ابي منكم الا دعوه حلوه بظهر الغيب انه ربي يسخرلي زوجي و ذريتي و الارض و من عليها
