مرحبا حلوات
في البدايه بوصف لكم شعري ومعاناتي معاه
انا لي تقريبا سنه كامله وانا اقص شعري قصة فكتوريا ونوعية شعري كيرلي نافش ... يعني لازم كل حمام استشوره .. وعشان تضبط القصه كنت لازم استخدم اللس ( السيراميك ) للخصل اللي قدام عشان تكون ممدوده ..
المهم بعد فتره شعري وخصوصا اللي قدام تقصف بشكل رهيب يعني الشعره الوحده منقسمه بدون مبالغه الى 7 اقسام وناشفه :06:
المهم
سمعت بالكيراتين وكيف انه يعالج الشعر .. فجلست على النت ابحث لحد ما تفقعت عيوني :32: بس المشكله ما لقيت موضوع ابدا احس يريحني واسويه
وحده من صديقاتي راحت بالصيف الى لبنان وسوت الكيراتين المعالج هناك وجت وشفته وانهبلت عليه ..
كان شعرها فيه لمعه رهيبه بعدين كان شعرها نافش وجاف مره طلع طري ورايحه نفشته .
لما شفتها قلت خلاص ما عقبها بسويه والله لا يعوق بشر ...
وارجع للنت افرفر واجمع معلومات .. وعرفت ان جلوبال افضل نوع للشعر وان مامنه مضره للشعر ..
جيت للمشكله الثانيه : وين اسويه ابغى مكان مضمون ؟؟؟ اغلب المشاغل اللي عندنا تجاريه يبغون الربح وما اضمن حتى انهم يستخدمون المنتج الاصلي ؟؟؟
فقلت مالي الا الله ثم اختي ( احب امي )
هذي الانسانه مهما اتكلم عنها وعن اخلاقها ما اوفيها حقها ..
ارسلت لها رساله اترجاها تنصحني بكوافيره موجوده بالرياض موثوق فيها لاني ما اثق بالمشاغل .. فمدحت لي اختي امل واعطتني رقمها وقالت انها تاخذ المواد منها يعني ان شاء الله المنتج اصلي 100%
وبالفعل اختكم ما كذبت خبر على طول كلمتها واخذت منها موعد ورحت وسويته عندها .
والنتيجه كانت ....................شعري صار ولله الحمد خيال يهفهف من النعومه واللمعه ما تتخيلونها
والله بدون مبالغه صار شعري فيه نعومه ولمعه ماتنوصف واهم شيء التقصف راح واطراف شعري صارت طريه وراح التقصف كله ..
واهم شي اللي كنت خايفه منه الاطراف ماهي واقفه ابد طبيعيه جدا كنت الفه على تحت ويطلع بف رهيب ..
طبعا لما شافت شعري امل انصحتني اعمل العلاج فقط اي اللي بدون فرد قالت تجعيد شعري حلو .. لكن انا اصريت ابغى شعري يصير ناعم ابغاه ستريت ما ابغى سشوار تعبت منه .. وهي ما اجبرتني وبالفعل حطت لي الكيراتين اللي يحتوي على 4% فورمالدهايد
طبعا انا سويت الكيراتين في 4 شوال يعني لي الان 5 شهور لكن قلت ماني كاتبه اي شي لحد ما اتاكد ان ماله اضرار او يسبب تساقط والى الان الحمد لله ما اشتكي من اي شي اللهم تقريبا من شهر ونص احس بدا يخف الكيراتين ما راح لا بس بدا يخف يعني صرت احتاج سشوار سريع بس لكن التقصف الحمد لله مارجع .
نوعية شعري
زي ماقلت لكم شعري كيرلي نافش ومتقصف جدا جدا جدا
مميزات الكيراتين
النعومه وليونة الشعر
اللمعه
اطراف الشعر ماهي واقفه من الكيراتين
انا شعري مليان شيب فمضطره اصبغ جذور كل اسبوعين والكيراتين عادي تصبغين على كيفك
مايسبب تساقط ابدا ولله الحمد
عيوبه
نظرا لانك لازم تحطين بلسم فيصير الشعر دهني يعني بسرعه يزيت
وبعض البنات طلعت لهم قشره
نصائح
الافضل لما تفكرين تحطينه ان تحطينه وانتي عليك الدوره ويكون الجو بارد لان لما تعمله لك لازم 3 ايام مايجيه مويه ( من الوضوء )او عرق عشان مايخرب
لما تكونين ناويه تصبغين قبل الكيراتين اختاري لون غامق لان الكيراتين يفتح لون الصبغه
ملاحظه
يشهد علي ربي ان مالي علاقه بهذا المشغل واني ما اعرف اختي امل الا من خلال لما عملت لي كيراتين لكن من باب اني ابغى الخير للبنات قلت اعرض تجربتي عشان يستفيدون البنات وتستفيد اختنا امل لانها بالفعل انسانه عندها ذمه وشغلها نظيف واسعارها جدا مناسبه ماهي طماعه ابدا
تشيز كيك @tshyz_kyk
عضوة فعالة
يلزم عليك تسجيل الدخول أولًا لكتابة تعليق.
قولولي ايش هو الكراتيييييييييييييييييييييييييييييييييييييين هذا؟ يعني هو نوع من انواع الفرد؟ والا هو نفس الفرد بس انتم تسمونه كيراتين؟ والا شو؟
تشيز كيك
•
المشغل قريب من مجمع لي مول
والكيراتين هو عباره عن ماده تعالج الشعر وتغذيه بس فيه منه انواع مضاف لها ماده تفرد الشعر بنسبه بسيطه
والكيراتين هو عباره عن ماده تعالج الشعر وتغذيه بس فيه منه انواع مضاف لها ماده تفرد الشعر بنسبه بسيطه
الصفحة الأخيرة
وبكم سويتيه