كيفكم صبايا \ ان شاءالله انكم بخير
طبعا اكيد هالموضوع بيكون عامل مساعد لكل من يسال عن جهاز
الجي فايف
لان عانيت بقوة قبل افكر استخدمه وصرت ابحث وابحث لين انهد حيلي ولا لقيت اجابت لاسئلتي غير تخويفات واشاعات مالها اي داعي
في هالموضوع راح اكتب لكم بالتفصيل الممل عن تجربتي بجهاز الجي فايف
طبعا انا اول شي كنت ميته خوف لان فيه بعض البنات الله يهديهم قالو يسبب سرطان لانه يكسر الخلايا وووو كلام ماله نهايه...
بسم الله نبدا
انا لي سنه ونص اسوي رياضه ودايت
نحفت مايقارب 20 كيلو.. بتقولو قليل 20 كيلو في سنه
لان انا اساسا ماكنت دبدوبه مره وكنت عامله دايت تخفيف عشان كنت خايفه من ترهل الجسم
الحين باقيلي ع المثالي 5 كيلو او 7كيلو واوقف ان شااءالله
طولي 168
المهم
سويت دايت وونحفت 20 كيلو ولله الحمد ماشاءالله تبارك الله
بس عندي منطقتين بالجسم مليانه شوي
الي هي يديني وافخاذي... وطبعا انا طماعه ودي اصير منكان
قررت ابدأ اسوي جلسات ال بي جي
رحت لاخصائيه وقالت انتي ماتحتاجي الا شي بسيط .. وجسمك راح يصير ممتاز:42:
قالت تحتاجي اول شي تسوي جي فايف
وبعدين ال بي جي
طبعا رفضت قلت لا ابغى ال بي جي اول شي:09:
بعدين فهمتني قالت مانقدر نستخدم ال بي جي الا قبله جي فايف لانه يحرك الدهون ويكسرها وال بي جي مايحرك الدهون
قالت اي وحده تبغى تسوي ال بي جي لازم قبلها تسوي جي فايف اقل شي 3 جلسات
وقالت انتي فقط تحتاجي 6 جلسات جي فايف لان جسمك مافيه دهون كثير
وتوكلت ع الله واستخرت وبدات اول جلسه من يوم السبت 9-7-1432ه
(( ملاحظه ماينفع للاوزان الكبيره يعني لازم وزنك يكون تحت ال80 لان الجي فايف يحرك الدهون المتراكه وال بي جي يوزعها ماينحف ابدااا الا اذا معاه داييييت وريااااضه بس + الاخصائيه قالت اذا سويتيه ولا سويتي دايت ورياضه راح يزود وزنك فانتبهووو الله يسعدكم عشان لاتدعو علي))
بنت خالتي راحت تبغى تسوي قالت لها نزلي من وزنك 10 كيلو
بدأت الجلسه الاولى وانا اقرا على نفسي وخايفه
المهم طلع واو كانه مساج... اقسم بالله ارتحت كثير
تعرفو جهاز المساج؟؟ نفسه بالضبط
وهذي صورته
طبعا الخطوات اول شي تشيلي ملابسك وتنامي على سرير وتبدا منطقه منطقه بالجهاز من فوق لتحت
طبعا هم يستخدمون زيت جونسون استغربت منها
والمره الي بعدها جبت معاي
كريم نيفيا سلولليت وهذي صورته
وكريم الفلفل الحار للتنحيف
قلت لها اخلطيه مع بعض وااااااه حااااااار نااااااار
بس اقول احسن عشان انحف وتروح الدهون هههههه
طبعا اول جلسه كانت مره عاديه كانها مساج
الجلسات الي بعد كذا كانت اقوى وكانت تحرك مكان تجمع الدهون لاماكن ثانيه
بس تحسي باسترخاء تاااااام والالم يتحمل مو زي مايقولو البنات الله يهديهم
طبعا انا سويت 4 جلسات في الاسبوع هذا
وباقي جلستين الاسبوع الجاي
وبعد كذا راح ابدا في الجي فايف راح اسوي ال 12 او 16 جلسه على حسب اذا احتجت او لا
انا عن نفسي جدا مرتاحه واحس اني نحفت اكثر خاصه من يديني وبخصري وافخاذي شوي احس اني مبسوطه من 4 جلسات فقط
:42: قولو ماشاءالله تبارك الله
هذي صوره الغرفه والجهاز
طبعا اهم شي اهم شي لازم لااازم
تكوني ماشيه على نظام غذائي+ ريااااااااضه لان الدهون اتحركت من الجسم لازم تحرقيها ولا ماكانك سويتي شي+ تشربي مويه كثير قبل الجلسات وبعد هذي اهم نقطه
انا عن نفسي::
امشي 45 دقيقه باليوم
اسوي اوربت تراك 15 دقيقه ع الثقيل عشان الشد
تمارين قبل النوووم الي هي العصايه والبطن وتمارين اليدين
الدايت الي ماشيه عليه من راسي بصراحه لان ماحب اتقيد بشي
بس كلها اشياء صحيه وبعد الساعه 7 او 8 مااكل ولا شي:44:
اشرب مويه كثير ماشاءالله تبارك الله
اشرب زنجبيل وشاهي اعشاب
وان شاءالله اذا خلصت الاسبوع الجاي.. راح ابدا ال بي جي
وراح اوافيكم بالنتائج باذن الله
طبعا انا ماراح امدح بالمكان الي انا فيه لان راح تقولو بتسوي داعيه ومندوبه ومسوقه وكلام كثييييييييييييير
عشان كذا بما اني في جده راح اقولكم عن الاماكن الي موجود فيها
لاني اتصلت وسالت ودخت
موجود في مستشفى الزهراء. نادي الزهراء 1900 ريال 12 جلسه
موجود في عيادات الموج قالت لي ب 2000 ريال 12 جلسه
موجود في مستشفى سليمان فقيه 3000 الاف ال 12 جلسه
عيادات ادما ب 3000 الاف 12 جلسه
عيادات اوباجي 3000 الاف 12 جلسه
والي تعرف اماكن اكثر تدل البنات عشان تسهل عليهم
انتظررررروني مع باقي النتائج الحلوة باذن الله
الي عندها اي سؤال تتفضل
ومابغى منكم الا دعوه حلوة
وان ربي يتمم زواجي على خير
:26:
ويتمملك على خير فرحك ويكتبلك السعادة يارب