طبعا الكل بيسال شدخل ذا بذاانا كنت بنزل هذا الموضوع قبل المسابقة بس انا طبيعتي ما احب أكتب ع الكيبورد لاني مش سريعة
عموما هذا الله يسلمكم بنتي عمرها 5شهور من بدت تفهم وهي معذبتني بالنسبة للرضاعة
لكن لاحظت اني لما اجي انومها (انا معودتها اقرا لها ايات معينه عند النوم وخصوصا بالليل)ترضع بشكل مرة حلو
وتكمل الرضعه كلها وصرت اتعمد وقت النومه اعطيها زيادة على اللي هي تشربه وما شاء الله تخلصه كله
(طبعا انا كنت اقرا قبل ولادتي كتب اجنبيه عن الاطفال وكانوا يقولون عودي طفلك على سماع مويقى عند النوم فانها استبدلتها بالقرآن)
(وهذي الفكرة مرة حلوة تنبه الطفل اذا سمع الشي اللي متعود انه جأ وقت النوم فيستسلم)
فصرت اقرا لها القرآن اذا بدئت ترفض الرضعة بالاوقات الثانية
مجرد ما اقرا تبدء تناظر لي وتفهي شوي بعدين ترضع وهي تناظر مجرد ما اوقف توقف وتطلع الرضاعة واذا كملت ارجعت ترضع <سبحان الله
فبديت اراجع حفظي واحفظ وانا ارضعها واحس ان افضل وقت هذا الوقت لاني اقدر اخلص فيه الحفظ اللي ما القى له وقت بعض الاحيان
جربوها وان شاء الله بتفيد
ملاحظة يمكن طفلك ماتعود على كذا بس مع الايام بتعود
هذي تجربتي واحب اضيف للفائدة
احرصي ان ولدك يسمع القرآن دائما
اربطيه بالقران في كل حالاته حتلى لما تلعبيه اقرئي له
غير كذا انا احب اتكلم مع بنتي دائما وكانها كبيرة واذكره بفضل الله على لانه اعطاني اياها واقولها قولي الحمدلله ياماما
ان الله من عليك بالعافية واذا ارضعت وبقى شي بالرضاعة اقوله ياماما في غيرك ما يحصل ذا الحبيب لا تكفرين النعمة
حبيبتي السنة انك تشربينه للاخير لان البركة بالاخير
ومن ذا الكلام ,طبعا هي اول طفل لي مااقدر اقولكم لسى اني وجدت الثمرة بس انا على يقين اني راح اجني الثمرة لاني اربطه بالله
مع اني اذكر اني كنت اتكلم مع بنت اخوي بنفس الطريقة بس موب شكل دايم وبسم الله ما شاء الله عليها
ملتزمه في كثير من السنن وقلبه معلق بالدين مع لا امها ولا ابوها ملتزمين
لدرجة انها ترفض الحين انها تلبس حتى (الكت) تقول لامها حرام
واذا لبستها بالقوة تصيح وتقولها لبسيني بجامها تحتها وما ترضى تلبس قصير وكل هذا وعمرها الله يخليها 6 سنوات
والله انها لما تشوف الحرم في التلفزيون تجلس تدعى كنها عجوز (يارب بلغنى يارب لاتحرمنا)
جزاك الله خيرا وجعله فى ميزان حسناتك