الله يرزقك ويسهل لك كل خطوة تسوينها وربي يرضيك عاجلا غير اجل .....ياكريم

لاحول ولاقوة الا بالله توني اشوف موضوعك بالصفحة الاولى وانصدمت من الخبر ماعليه يالغلا معوضة ان شاء الله بحمل طبيعي معافى باذن الله

أشكركم جميعاً

وطبعاً قصتي ما وقفت وللحديث بقيه ...التكمله


بعد ما أجهضت بإسبوعين قالت لي الدكتوره ظلي سوي تحليل الهرمون لين يوصل لصفر عشان نتأكد إنك نظفتي

وأنا سمعت كلامها ظليت كل 3 أيام أو يومين أسوي تحليل الهرمون

طبعا في الحمل في اليوم 16 من الترجيع كأنت نتيجة التحليل ..126

وبعد يومين سويت التحليل طلع 82 يعني إجهاض

وبعد يومين سويت تحليل وطلع 76

وبعد ثلاث أيام هنا تكمن تكملة القصة والفاجعة الكبرى نتيجة الهرمون 310

أنا هنـــــــــــا صار عندي أكثر من شعووووووووووور في يومها رحت لأكثر من مستشفى واتصلت على الدكتوره وهي تقول

أكيد فيه غلط تعالي لي بعد يومين وأنــــــا خلاص على أعصابي بين فرح وخزن وقلق ومليون ألف علامة تعجب وإستفهام ؟؟!!

رحت لأول دكتور قال لي أحتمال إنك كنتِ حامل بأكثر من واحد وواحد نزل وبقى واحد سوي التحليل بعد يومين وراح نشوف شيصير لو ارتفعت نسبة الهرمون يعني حمل وجالس يكبر أنا هنـــــا تهلل وجهي فرح وسعادة وأمل

سويت التحليل بعد يومين طلعت النسبة 400 وكان في نفس هاليوم موعدي مع دكتورتي دكتورتي حولتني على الدكتوره حنان السبيعي

قالت لي إن هذا حمل خارج الرحم لكن مو جنين خلايا جنين وجالسه تكبر ولازم ينزل لو ما نزل راح نسوي لك عملية

سوي تحليل بعد يومين وراح نشوف سويت التحليل ارتفع لـ470 وأنــــــــا خلاص نفسيتي تعبت رحت لها بعد يومين نفس الشيء سوت لي السونار وما بان شيء ولا تدري هوه وين بالضبط

وكالعاده بعد يومين سوي تحليل الهرمون وصل لـ500 قالت لي خلاص بعد يومين سوي التحليل مره ثانيه لو ما نزل خلاص راح ننزله لك

سويت التحليل وصل لـ571 تنومت بالمستشفى وسويت تحاليل عشان إنهم راح يعطوني إبرة كيماوية دورها تذيب كل أنسجة الجنين

سويت تحاليل قبل الابره والحمد لله ما فيه أي أعراض جانبية وبعد الابره بعد خلوني اشوي عندهم ولا صار في أعراض جانبيه

قالت لي تعالي لنا بعد 6 أيام لو ما نزل راح نسويك عملية منظار وبنشيل الأنبوووووووووووب أنــــا هنـــــــا تسكرت الدنيا بوجهي

قمت أصيح ونفسيتي صارت بالأرض تعبت حيل سويت التحليل بعد ثلاث ايام الهرمون وصل لـ 570 يعني ما نزل شيء

شفت الموت والله ويوم الاثنين كان موعدي سويت تحليل اكثرت من الصلوات والاستغفار والدعاء وطلعت النسبة 300 يعني نززززززززززززل

وبدأت حياتي من جديد

حالياً تأزمت نفسياً وقلت خلاص ماابي حتى ازور أي مستشفى لو أموت بريح جسمي ونفسيتي سنة على الأقل بعدين بفكر

وإذا الله أراد إنه يرزقني بيرزقني لأن إرادة الله فوق كل شيء

والحمد لله على كل حال

الحمدددددددددددد لله من كل قلبي

وتحيــــــــــــــاتي للجميع

الشفق الأحمر

انتهت القصه أنتظروني بعد سنه :)

رفع

سبحان الله والحمد لله ولا إله إلا الله والله أكبر

رقع