تجربتي في إزالة الحبر السايل من الملابس

السلام عليكم

اخباركم ياحلوات

انا قررت انزل تجربتي بعد ماحست بين المواقع وشفت كثرت الحلول اللي حيرتني واغلبها كانت ردود ع احد يسأل اكثر من انها في موضوع مستقل يعني كنت احوس فالغالب بين صفحات الموضوع واقرا الردود لذلك حبيت اطرح تجربتي في موضوع  للإفاده


نجي للزبده 
بسم الله وعلى بركة الله
فستان بنتي الجديد أول لبسه ماشاءالله جاه حبر سايل وضاق صدري حسيته خلاص ماراح يطلع وادخل النت ادور حل الا والقى حلول بس خفت اجرب ، خفت عشان ازيله لازم مااكون غسلته او استعملت عليه شي وخليته بحبره يومين مدري 3 وكنت خايفه كل ماطول الوقت معد يطلع وفكرت استخدم فانيش السايل لاني مااستغني عنه وهونت خفت مايجيب نتيجة ع الحبر وقريت عن الخل وبغيت استخدمه لان حتى هو مااستغني عنه فالتنظيف والتعقيم واعرف مدى فعاليته بس مدري عنه مع الحبر لين قريت لوحدة انها جربته وجربت فانيش بعد وجربت كذا شي نسيتهم صراحه وولا واحد منهم جاب نتيجة الا اللي بكتبه لكم الحين وترا هو يمكن مو غريب ع بعضكم لاني برضوا قريت له رد ثاني هنا لوحدة الله يجزاهم خير بس انا اول مره ادري عنه ومدري ليش ارتحت له وجربته وضبط الحمد الله بفضل ربي والحبر راح نهائياً وكان ودي اصورلكم قبل وبعد بس للاسف سويته كتجربة وما جا ع بالي التصوير
وهالشي هو ملمع الزجاج وانا شريت داك نفس اللي كتبت عنه وحدة هنا فجبته نفسه بالضبط لان انا اصلاً ماعندي ملمع زجاج مااستخدمه المهم بخيت المكان وكثرت بخ وفركته بيدي بقوة وبتتوسع بقعة الحبر عادي لاتخافون نهايتها بتروح وانا الحبر عندي كان موزع في كذا مكان وواحد من هالاماكن ع الكلفه وبرضوا بخيت عليها وفركتها وطلع منها الحمدلله بس في جهه عذبتني شوي لان الحبر فيها اكثر والفرك ماطلعه كله فبخيته وجبت فوطه خشنه وفركته وراح ياربي لك الحمد.

وفي الاخير اتمنى تجربتي تكون مرجع لكل وحدة حاست زيي ع النت تبحث عن حلول والله يجزا من دلني عليها كل خير.

دمتوا بود