السلام عليكن جميعا
راح ابدأ لكم القصة من البداية
انا ساكنة في قرية والمستشفى الحكومي الوحيد فيها ما يقولون فيه على نوع الجنين وماصار فرصة انزل للمدينة القريبة مننا نزلت في بداية حملي الى اول الشهر الثالث وبديت اطلع لمعرفة جنس الجنين بعد دخولي الشهر الخامس
ومن هنا بدأت رحلة البحث في المنتديات عن الطرق المنزلية المجربة في تحديد جنس الجنين
بس في البدايه بقولكم شي ....قبل لا احمل كنت اخذ حبوب حمض الفوليك تقريبا شهر وكان عندي التهابات وكنت اتعالج بتحاميل البوثيل
ومن المنتدى والتجمعات اللي فيه عرفت ان اللي تاخذ حمض الفوليك وتحمل تجيب ولد
واللي تتعالج بتحاميل البوثيل وتحمل فى الاغلب تجيب بنت
وزادت حيرتي :06:
وبديت افر بها المنتدى وغيره ادور على طريقة ومثل ماانتم عارفين الطرق كثيرة
اولا /تجربة الملح
واللي ماتعرفها هي انك تجيبين كوب وتضعين فيه ملح وتتبولين عليه اذا فار قالوا يكون الجنين ولد واذا طلع منه مثل القطن الجنين بنت
وماراح تصدقون طبعا انا جربتها كثير والنتيجة مرة فار
ومره ثانيه وثالثة ورابعه طلع زي القطن يطير وفي مرة لا فار ولا طلع قطن ؟؟؟؟ بس طلع مثل السحابه بنص الكوب :hahaha:
ثانيا / تجربة الخاتم وهذي اخذتها من اليوتيوب
وهي انك تجيبينن خاتم وتحطينه بسلسله وتخلينها باتجاه البطن اذا اتحركت على قدام يعني من الشمال الى الجنوب يكون الجنين ولد واذا صارت تتحرك بشكل دائرى معناته الجنين بنت
وفعلا سويتها وكذا مرررره مع اني في البدايه قلت وش ذا الخرابيط ودفعني الفضول لتجربتها وطلع لي في مرات الحركة من الشمال للجنوب ومرررررات كثير من الشرق للغرب اتمنى انكم فهمتوني وبصراحة كنت اخاف من هالطريقة لا ني اكون مثبته يدى والسلسله تتحرك وتكون بطيئة وبعدين تزيد السرعة بس لما قريت قالوا انها تعتمد على جاذبية الجنين
ثالثا/ الشعر ونموه
في المنتدى قالو ا اذا زاد نمو شعرك (شعر الجسم )فالجنين ذكر واذا قل معنانته الجنين انثي
وانا كنت قبل الحمل اشيل شعر جسمي كل 3 اسابيع وبعد الحمل اشيل كل 5 اسابيع يعني شعر جسمي قل وصار خفيف
رابعا / حركة الجنين
قريت كثير عن حركة الجنين المهم انا جنيني كان يتحرك اكثر شي جهة اليسار والاغلب كان يقول اليسار بنت
خامسا / شكل البطن
كان بطني فوق ومن قراتي البطن اللي فوق بنت
سادسا / الاحلام
حلمت كذا حلم وماقصرت العضوة بوبا القطة فسرت احلامي الله يجزاها خير
ومن الاحلام مفتاح وخاتم وفستان بصراحة كثيرة المهم الاخت بوبا القطة فسرت بعض الاحلام انها ولدين وفيه حلم قالت يظهر لي في ذريتك بنت وولد
واخيرا
قبل حملي كنت اتابع مع اختى الله يجزاها خير رونق الجمال
واعطتني مواعيد الحمل بولد والبنت وصار اللي بالي بالكم في اليوم 14 و15 من بداية الدورة وعلى اساس انها ايام الحمل بولد على حساب اختى رونق بس اختى رونق قالت لاني استخدم التحاميل البوثيل قبل الجماع بيوم فبكذا التحميله اكيد نزلت كل شي معاها او اني مااستفدت
وبعدين صار الجماع بيوم 19 و20 وعلى حسابي كان التبويض انتهى وعلى حساب رونق لا كانت ايام الحمل بولد لان اختى رونق رجعت اعطتني حساب ثاني علشان التحاميل سالفة الذكر
هذى كل تجاربي اللي سويتها لتحديد جنس الجنين واكيد انكم احترتوا مثلي ولا عرفت بايش حامل بس كان عندي احساس كبير ان حامل في بنت لان حملي قريب جدا من حملي في بنتي الله يحفظها وخصوصا ان حملى كان فوق بالضلوع
المهم طبعا اتاكدت بعد الولادة على جنس الجنين وانا الحمدالله ولدت من شهر تقريبا
وش تتوقعون جبت ؟؟؟؟؟
جبت ولد الله يحفظة ويصلحة :04:
وجة السعد @og_alsaad
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
الله يحفظه ويحفظك
حسيتك حامل ببنت طلع الاخر ولد ههه