تجربتي في اختيار الصديقات ..يمكن تفيدكم..

بسم الله الرحمن الرحيم

من كم يوم دار حوار بيني وبين بنتي عن اختيار الصديقات ،، وصعوبة الحكم على الناس ...

فقلت لها عن طريقتي في اختيار الصديقات ، واستغربت ..لكن عجبتها الفكرة ،، فقلت أخبركم عنها يمكن تستفيدون
وان شاء الله انكم بتستفيدون ..

وقبل لا أقول لكم الطريقة ، بقول لكم أن السبب اللي خلاني أسويها هو أني ( وأنتم أيضا ) .. أحيانا نلاقي ناس ننبهر بصفاتهم ويمكن نحبهم لأول مرة .. ثم نثق فيهم ونعطيهم أسرارنا على أساس نفضفض أو نستشيرهم ،، لكن مع الأسف نكتشف بعدها أنهم مو قد هالمسؤولية .... فعشان كذا صرت إذا أعجبتني وحدة وحبيت أصادقها ،، قبل لا أعمق صداقتي معها ،، أصلي صلاة الإستخارة ، وأدعي ربي إن كان في استمرار علاقتي معها خيرة أن ربي يتمها ويبارك فيها ..وإذا كان فيها شر أن ربي يصرفني عنها ويصرفها عني ....تصدقون يابنات عقبها حسيت براحة عجيبة وصرت أعرف
كيف أتعامل مع الناس والحمد لله ..

هذي تجربتي وأرجو أنها تكون مفيدة للجميع باذن الله والله الموفق...