تجربتي في اطفال الانابيب بعد الفشل ثلاث مرات

بسم الله الرحمن الرحيم
السلام عليكم ورحمة الله وبركاتة
تجربتي مع اطفال الانابيب بذكرها بعد فشل ثلاث مرات والرابعه الحمدالله كتب لي ربي الحمل
بالتجربه الرابعه سويت تحفيز للرحم والسبب قالو لان العمليات السابقه فشلت وكل شي بيد الله سبحانه وتعالى والحمد الله نجحت
قلت بنفسي إذا ربي كتب لي الحمل بكتب تجربتي ويارب تستفيدون منها وتذكروني بدعوه
ما ودي اطول عليكم واذكر التفاصيل الكامله ويكون الموضوع طويل بس إذا عندكم اي سؤال الله يقدرني واساعدكم بالاجابه
بس بقولكم اشياء التزمت فيها واشياء ثانيه تجنبتها تماما
نصيحه من (قلبي)
توكلي على الله واستخيري لا تأجلين هالموضوع كثير
حافظي على الصلاة بوقتها واذكارك
إقري سورة البقرة يوميا غيرت حياتي
استغفري وقولي لاحول ولا قوة إلا بالله كثييييير
خليها بلسانك وانتي بالسياره وبالإنتظار لموعدك
تصدقي بعد كل موعد عند الدكتوره بنية ربي يرزقك الذريه الصالحه
ادعي كثير بصلاة الوتر ( رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ )
بعد ترجيع الاجنه اسمعي ايات تثبيت الحمل
اشربي الماء
وكثري من التفاح والبرتقال والموز والخيار والخس
ابعدي عن التوتر والضغط النفسي حاولي تفكرين في شي حلو
وبالاخير لا تقولون لأي شخص انكم بتسوون هالخطوه
اتركي الموضوع بينك وبين زوجك
اشياء كنت حريصه اني ابعد عنها
القهوه وانا مدمنه لها :(
الاكل الحار والبهارات الكثيره
ابعدي تماما عن اكل المطاعم
خففي مره من طلعاتك وقت حملي لاحقه على المناسبات والوناسه ريحي نفسك ولا تسوين مجهود
بعد ترجيع الاجنه لا تأخذين شاور حار
ابعدي عن العطور والبخور
ابعدي عن الاناناس والتمر والقرفه والشوكولاته والليمون
كان صعب علي اني اسوي هالاشياء بالبدايه بس بعدين كل شي يتيسر من الله سبحانه
هالشهر برجع اسوي اطفال الانابيب بعد تقريبا
4 او 3سنوات تكفون بنات دعواتكم لي