مع احترامي لجميع الاراء

لكن عندي الراحه النفسية اهم مليون مره

واذا علي الزوج والعيال لازم يساعدوني والكل يبطل كسل ورباده ويكون عندهم

مسؤليه ========= ولا هذي بعد بنجيب غيرنا فيها يساعدنا ويشيل عنا

اللهم لا تحوجنا للخدم وخلينا نجتهد في بيوتنا وناخذ الاجر

يا اختي الراحة الجسدية مهمة

والناس مختلفة

فيه ناس يطنشون مايهمهم كل شي يكون نظيف
وفيه ناس طبيعة حياتهم مختلفة عنك يعني كثير بيوت ما يطبخون او ماعندهم عيال صغار او بيوتعم مافيها اثاث كثير
فيه الي بيوتهم صغيرة فما تتحمل اصلا وجود خادمة او مماعندهم تحف وزينة بالبيت ولا بيت دورين ولا غرف وحمامات

او ناس ما يجيهم ضيوف كثير او ساكنين ببيت اهل ازواجهم
او يروحون لاهاليهم باستمرار فالبيت ما يتوسخ
او ازواجهم غير متطلبين او ماي هتمون يجلسون معاهم
او هم اصلا مو اجتماعيات
او اصلا ربة منزل لا هي موظفة ولا هي طالبة
او عيالها كبار وماتبي تنجب
او ظروفهم المادية ما تسمح باستقدام شغالة او زوجها مايرضى بالشغالة
او تكون موسوسة نظافة فما تثق بالشغالة او هي اصلا متعودة على شغل البيت فما تحب احد يلعب باغراضها
وفيه ناس يغارون من الشغالة على رجالهم


فانت قيسي على وضعك

اش الي يناسبك وانت من اي نوعية


انا جربت الوضع من غير شغالة مؤقت طبعا ولظروف خاصة وما انكر ان نفسيتي ارتاحت لان الشغالة الي كانت عندي مقرفة وما تشتغل فما حسيت بالفرق من غيابها
وطبعا بقوتها كنت ابحث عن شغالة وقدمت على اخرى
واستغنيت عنها فترة معينة كنت بوقتها قريب من اهلي وما اجلس بالبيت كثير وعيالي ما يجلسون بالبيت وطبخ تقريبا ما اطبخ والبيت دور واحد وما كنت اسوي شغل ثقيل فيه
وكنت اجازة من عملي

طبعا الوضع كان مقبول والشغالة كانت عبء علي لو هي موجودة لانه معظم الوقت مافيه شغل

لكن لما ارجع عملي او عندي طفل صغير ورضيع
ورجعت بيتي دورين وزوجي يبي مني وعيالي يبون مني وحياتي الاجتماعية وعملي تبي مني اكيد بحتاج الشغالة
انا مو فاضية واذا فضيت ابي وقت لنفسي
اوكي اشرف على شغلها لكن هي تقوم بالثقيل وانا اتباع مو كل شي على راسي


انا معاك بالي تحسينه

وفاهمة مشاعرك
وانت براحتك

انت الي تحددي احتياجتك

فيه ناس كثير مثل وضعك يعتمدون على نظام التاجير


تقدرين تلاقين لك وحدة ب100 ريال لليوم تجيبنها لك مرة بالاسبوع

فلو حسبتيها 400 ريال شهريا اوفر من شغالة
تخلص لك الاشغال الاسبوعية الثقيلة

مثل غسيل الحمامات الثقيل (شغلة اكرهها ) تنظيف الفرن كي الملابس
تمسيح الابواب والنوافذ
تلميع التحف لو عندك تحف

ولو عندك حوش بالبيت اتفقوا مع الي يغسل سيارة زوجك يجي اسبوعيا يغسل الحوش وينظفه لك


ويبقى عليك الشغل اليومي مثل غسيل المواعين وتنظيف الثياب والتمسيح اليومي وغسيل الحمامات العادي الي تحتاج وانت بكرامة

واهتمامك بنفسك وعيالك


لكن لو انت من نوعية الي تحبي تطبخين
وعيالك ماتطلعين بهم
او عندك بيبي صغير ياخذ من وقتك
وزوجك يحب جلسات القهوة والشاهي ويبيك معه جالسة
او بيتك بيت ضيوف ما يخلى
وقتها الوضع يتطلب وجود مساعدة لشغالة يومية



وفيه نساء ما شاء الله عليهم متعودة على شغل البيت من هي بنت


وحدة اعرفها من عمر 5 سنوات تنظف الحمامات وناس حتى النوافذ يشيلونها ويغسلونها ويركبونها
وماعمرهم كانت عندهم شغالة فمن صغرهم متعودين على النظام وانهم يتساعدون بالبيت

فهي ما شاء الله عليها ما تتعب بشغل البيت الا لو اقعدها المرض
لكن فيه ناس متعودين على وجود الخادمات او انهم مايشتغلون ببيت اهاليهم فالشغل عندهم مشكلة

او تكون طالبة او موظفة او عندها طفل معاق الله يكفينا الشر او عندهم شايب او عجوز بالبيت يعني ما تشتغل بوجهها ولا بس شغلها تنظيف وتلميع



ومع كل هذا وبدون اي مبررات

انت لو جبتي وحدة بفلوسك محد عليه لك سبيل ولا تشرط
عساك تجيبها تقرطع اصابع رجولك اش عليك من راي احد
اذا اخذتي شي منهم يجون يتكلمون

يا اختي الراحة الجسدية مهمة

والناس مختلفة

فيه ناس يطنشون مايهمهم كل شي يكون نظيف
وفيه ناس طبيعة حياتهم مختلفة عنك يعني كثير بيوت ما يطبخون ويعتمدون على مطاعم
او ماعندهم عيال صغار
او بيوتهم مافيها اثاث كثير
حتى من الصور بعالم حواء تشوفين هالشي وتقول الوحدة ما تبي شغالة
اصلا لو عندها شغالة ماعندها سالفة
فيه الي بيوتهم صغيرة فما تتحمل اصلا وجود خادمة او ماعندهم تحف وزينة بالبيت ولا بيت دورين واحيانا ثلاثة ولا غرف وحمامات

او ناس ما يجيهم ضيوف كثير او ساكنين بملحق ببيت ازواجهم مثلا او عندهم ام زوجهم او خوات زوجهم يساعدونهم بالبيت او يمسكون عيالهم على الافل
او يروحون لاهاليهم باستمرار فالبيت ما يتوسخ
او ازواجهم غير متطلبين او مايهتمون يجلسون معاهم
او هم اصلا مو اجتماعيات فما عندها الا تبقى بالبيت فاش بتسوي غير تنظف وتلمع
او اصلا ربة منزل لا هي موظفة ولا هي طالبة
او عيالها كبار وماتبي تنجب وتعرفين اذا كبروا العيالب الذات اذا اولاد معظمهم يستخدمون البيت فندق
او ظروفهم المادية ما تسمح باستقدام شغالة او زوجها مايرضى بالشغالة
او تكون موسوسة نظافة فما تثق بالشغالة او هي اصلا متعودة على شغل البيت فما تحب احد يلعب باغراضها
وفيه ناس يغارون من الشغالة على رجالهم


فانت قيسي على وضعك

اش الي يناسبك وانت من اي نوعية





انا معاك بالي تحسينه

وفاهمة مشاعرك
وانت براحتك

انت الي تحددي احتياجتك

فيه ناس كثير مثل وضعك يعتمدون على نظام التاجير


تقدرين تلاقين لك وحدة ب100 ريال لليوم تجيبنها لك مرة بالاسبوع

فلو حسبتيها 400 ريال شهريا اوفر من شغالة
تخلص لك الاشغال الاسبوعية الثقيلة

مثل غسيل الحمامات الثقيل (شغلة اكرهها ) تنظيف الفرن كي الملابس
تمسيح الابواب والنوافذ
تلميع التحف لو عندك تحف

ولو عندك حوش بالبيت اتفقوا مع الي يغسل سيارة زوجك يجي اسبوعيا يغسل الحوش وينظفه لك


ويبقى عليك الشغل اليومي مثل غسيل المواعين وتنظيف الثياب والتمسيح اليومي وغسيل الحمامات العادي الي تحتاج وانت بكرامة

واهتمامك بنفسك وعيالك


لكن لو انت من نوعية الي تحبي تطبخين
وعيالك ماتطلعين بهم
او عندك بيبي صغير ياخذ من وقتك
وزوجك يجلس معك
او يجيك ضيوف وانت راعية ضيافة مو قهوة وتمر وبس
وقتها الوضع يتطلب وجود مساعدة لشغالة يومية



وفيه نساء ما شاء الله عليهم متعودة على شغل البيت من هي بنت


وحدة اعرفها من عمر 5 سنوات تنظف الحمامات وناس حتى النوافذ يشيلونها ويغسلونها ويركبونها
وماعمرهم كانت عندهم شغالة فمن صغرهم متعودين على النظام وانهم يتساعدون بالبيت

فهي ما شاء الله عليها ما تتعب بشغل البيت الا لو اقعدها المرض
لكن فيه ناس متعودين على وجود الخادمات او انهم مايشتغلون ببيت اهاليهم فالشغل عندهم مشكلة

او تكون طالبة او موظفة او عندها طفل معاق الله يكفينا الشر او عندهم شايب او عجوز بالبيت يعني ما تشتغل بوجهها ولا بس شغلها تنظيف وتلميع



ومع كل هذا وبدون اي مبررات

انت لو جبتي وحدة بفلوسك محد عليه لك سبيل ولا تشرط حتى انا الي اقول ماعندها سالفة ماعليك مني اش لي عندك
عساك تجيبها تقرطع اصابع رجولك اش عليك من راي احد
اذا اخذتي شي منهم يجون يتكلمون

الي عندها طفل ولا اثنين وتقول تعودي على الشغل بنفسك وراحتك النفسيه وما ادري ايش
لو كان عندك اطفال قليل ممكن لكن اذا اطفالك اكثر من اثنين لا يمكن واكرر لا يمكن تقدرين توفقين بين النظافه والعنايه بالاطفال والعنايه الشخصيه والزوج ....والنفسيه دمار لأنك مب قادره توفقين بين هالاشياء
والي تقول بدون شغاله راحه نفسيه لا والله الا بركان من العصبيه
قبل ما اجيب الشغاله كنت عصبيه :30:واضرب الاولاد اذا وسخو او حتى كبو الالعاب واذا أكلو ووسخو مواعين او وسخو ملابسهم وكانو مساكين يخافون مني خوف .............وانا مثل الفراره بالبيت ومع ذلك ما كني مسويه شي
ولما حملت بالطفل الرابع جبت شغاله وتعالي شوفي البيت يلق لق وانا مرتاحه والعيال مستانسين(لأني بطلت اضرب وأصرخ عليهم)
وصرت اهتم بأطفالي اكثر...>>>>>الشغاله ما لها علاقه بالعيال شغلها التنظيف وبس
ومن 8شهور سافرت الشغاله (عمر طفلي الحين سنتين )
في البدايه مشى الحال مع انو مو زي اول الترتيب بس الحين احس انو روحي بتطلع من التعب ومو باين على البيت>>>>انا احب كل شي نظيف ومرتب وفي مكانه
تعبت تعبت من نفس الروتين اصحى الصبح انظف وارتب واغسل وووووووووووالى وقت النوم:(
وزوجي مو راضي يجيب شغاله يقول ما نحتاجها:09:
هو صحيح يساعدني والعيال بعد وما يتطلب وعادي عنده ان البيت مو نظبف مره بس انا ما يعجبني
بديت اطنش بعض الاشياء بس ما احس اني مرتاحه يمكن حالنا ماشي بس ما اقدر استقبل ظيوف واذا بنطلع مكان لازم اقتل نفسي عشان نطلع في الوقت المحدد وطبعا لازم اترك التنظيف يولي عشان اجهز نفسي والعيال وارجع بعدها الى الكد والتعب وحياتي مع زوجي صارت ممله لاني دايما تعبانه (مع انه ما يشتكي )
سامحوني حولت الموضوع الى قصه حياتي

والله خوفتيني انا شغالتي بتروح قريب وناويه اجرب نفسي بدون شغاله

الله يعينك ويعيني

بس ان شاءالله راح احاول اسيطر على الوضع