اليوم حابه اذكر لكم تجربتي ومعاناتي مع الدوره الشهريه
طبعا انا من يوم ماتقرب الدوره تجيني الامها قبل ماتنزل طبعاَ غير الاكتئاب والحاله النفسيه والعصبيه الزايده الله المستعان :o
طبعا انا راح اذكر لكم معاناتي بالاول وبعدها اذكر لكم طرق علاجها
انا دائما الدوره عندي قبل ماتنزل احس بثقل موطبيعي اسفل بطني
والام بالظهر والحوض وغير النوم والكسل والدوخه احيانا والعصبيه الزايده
والله اني اكره زوجي وعيالي اصير وقتها عفريته :30: هههههه
المهم اول ماتنزل الهانم ماتنزل على طول اجلس اربع ايام تنقيط فقط واحس اني بموت من الالم لان الدم محتقن
واخذت ادويه لتنظيم الدوره ومافادت وبعدها لقيت وصفه عجيبه
والحين راح اذكر لكم العلاج وهالوصفه
في يوم من الايام <<<<<<< قلبت حكايه :hahaha:
طقت براسي اني ابي اسمن انا جسمي حلو بس ودي ازيد حبتين بحثت بالنت على خلطات من منتدى لمنتدى
ودخل مزاجي فكرة دبس التمر انه يسمن وطبيعي ومعروف فوائد التمر :p
رحت وكلمت ابو الشباب يجيب لي دبس التمر وشراه لي من محلات التمور
سميت بالرحمن وبدأت من اول الشهر اخذ باليوم ملعقتين مره على الريق ومره قبل النوم واحيانا 3 مرات باليوم
يعني حتى بعد الغداء
اخذ ملعقه واشرب بعدها على طول مويه وجلست على هالحال شهر والله العظيم يابنات نزلت الدوره قبل موعدها باسبوع وبدون الم وثقل الاحتقان اليوم جات نقط واليوم الثاني على طول نزل الدم وغزير احس من جد نظفت
وانا العاده تتأخر الدوره وتجلس اربع ايام بس نقط وغير الام الاحتقان
رحت لعند الدكتوره وقلت لها اللي صارلي والله يابنات بقي شوي وتصفق لي وتقول اللي سويتيه عين الصواب
التمر معروف فوائده
وقالت لي استمر عليه هالشهر كمان بس ياليت ماسمعت كلامها لان ماتصدقون وش صار
طبعا بعد مانزلت الدوره الشهر اللي فات متقدمه وغزيره سبحان الله حملت الشهر اللي بعده على طول
والمعروف ان التنقيط قبل الدوره من اسبابه السدد
ودبس التمر معروف للسدد فسبحان الله راح السدد وحملت على طول بس لاني استمريت بأكله وانا ماادري اني حامل اجهضت على طول والتمر يسبب اجهاض
يعني اللي تبي تحمل وتبي تنظم الدوره مع تحفيف الامها تأخذ دبس التمر مع مانع طبيعي تفاديا للحمل والاجهاض
والشهر اللي بعد لاتشربه لانه بإذن الله راح تكون حامل واذا ماحملت تستمر كمان شهر لحد ماربي يرزقها
وهذي صورة دبس التمر من تصويري الشخصي
وعلى فكره لاتخافون من السمنه والله اللي زاد فيني وجهي وخدودي والجسم يمكن زدت كيلو ونص فقط
وفي شي ثاني ادري طولت عليكم بس ابي انصحكم بأكل الشوكلاته وقت الدوره لانها جدا تريح الاعصاب وتخفف الالام
واخر شي حبوب باسكوبان روووعه لتخفيف الام
مع تمنياتي القلبيه الفائده للجميع