تجربتي في التخلص من المؤخرة مع red clover شاي البرسيم الاحمر

السلام عليكم:heart:
كيفكم اليوم بقول لكم على معاناتي مع المؤخرة انا جسمي حلوة لا متين و لا نحيف عندي زيادة يمكن خمس ستة كيلو عن الوزن المثالي لكن كانت منطقة المؤخرة عندي بارزة بطريقة بايخة مرة
و الشي هذا كان مضايقني يعني البنطلونات هذي ما اعرفها الا اذا كان معاها بلوزة طويلة
سويت رياضة في البيت دخلت نادي كم مرة لكن كان الجسم ينحف و هي لا ما في شي سمعت عنه يخسس المؤخرة الا و سويتو
أعشاب كريمات كل شي
و في يوم كنت أتفرح على برنامج دكتور أوز و جاب عن المؤخرة و أتكلم عن شاي البرسيم الاحمر طبعا الاسم غريب و مضحك وقال ان في خلال خمس ايام ينزل من المؤخرة (من أسمائه توت العليق) طبعا ما صدقت ان في خمس ايام لكن قلت أكيد بيجيب نتيجة مع الاستمرار
و يالله لقيت شي جديد اجربه
وبسم الله بدأت اشرب منه مرتين في اليوم بعد الأكل طبعا لكن انا ما انتبهت الا بعد أسبوع لأني ما كنت مصدقة ان في خلال خمس ايام تبان النتيجة كنت رايحة لأهلي و لبست بنطلون طبعا مع بلوزة طويلة عشان تغطي و قبل ما البس البلوزة طالعت في المراية من غير قصد الا في شي مختلف و اطالع مرة ثانية عشان أتأكد و أقول في نفسي معقولة اللي شايفته لا يمكن اتوهم المهم رحت لاهلي
الا أختي تقولي جسمك متغير البروز اللي كان عندك كأن خف لان حتى من ورا البلوزة كانت تبان
و رفعت البلوزة عشان اوريها هي وامي الا اكدوا لي ان في تحسن في الشكل و خف البروز هذا بس في اول اسبوع و كملت و الحمد لله اللي الهمني ان استخدم الشاي هذا ولاني مو متينه في ثلاث أسابيع صارت متناسبة مع جسمي ولله الحمد
وهذي تجربتي حبيت اكتبها عشان يستفيد كل شخص يعاني من هذة المنطقة.