السلام عليكم ورحمة الله وبركاته
عندي لكم اليوم تجربتي الخاصة انا طقطق toqtoq2000 في حل حب الشباب ولله الحمد
بالاول قبل ما اقول لكم على العلاج اللي استعملته خلوني احكي لكم قصة حياتي وسبب حب الشباب ..
واستحملو شوية القصة نوعا ما طويلة :D
انا بالاصل تركية في اجدادي..
وصلو اهلي على السودان واخدو الجنسية السودانية وتوالدو هناك...
بالتالي صرت انا واهلي سودانيين احنا كمان وما لنا جنسية تركية (سودانيين بالتجنس وليس بالميلاد)
وطبعا معروف عند الكل ان الافريقيات عموما - ومن ضمنهم السودانيات- لهم بشرة سمراء اللون
بعكس اهل تركيا ذوي البشرة البيضاء والوردية...
فتلقي في عيلتنا عادي بشرة بيضاء وعيون ملونة زرقاء وخضراء وشعر اشقر وناعم حرير كمان..
والسبب اصلنا التركي..
نرجع لسالفة حب الشباب..
لله الحمد والشكر انا بشرتي صافية بلا خدوش او شوائب..
وجهي من البشرة العادية المائلة للدهنيةالمختلطة
كنت زي ما بقولو وجهي زي الورقة البيضا من شدة صفائه ونعومته - وربنا يشهد على كلامي-
وما كنت استعمل اي شي غير كريم واقي للشمس ايام الجامعة لان شمس السودان حارقة والبشرة البيضاء لا تتحمل الشمس..
لكن لا اهتم بكريم او صابون او اي شي من هالاشياء..
انتهيت من فترة الجامعة كمان وما زال وجهي بنفس المنظر ولله الحمد ...
كانت تظهر لي شوية حبوب عادية صغيرة جدا اما من تحسس من حرارة شديدة او حساسية من تراب او شيئ..
وشوية سمار بيظهر في وجهي بس بمجرد ما ننزل اجازة واسافر على السعودية لوني ووجهي بيرجعو زي الاول...
بعد الجامعة ومع العطلة عن الشغل نزلت مع اختي في محلها في مخيم البحر الربيعي عام 2007
يعني قبل سنتين تقريبا وزيادة من الحين..
وبحكم اني ماخدة كورس تجميل واتصفح كثير في الانترنت عن وصفات خلطات الجسم طلبت مني اختي اني اشرف لها على قسم الكريمات والصابون هالاشياء..
وعندي صديقتي مغربية عرفت منها اشياء كثيرة نفعتني كمان ..
حتى كثيرات كانو يظنو لما اكون واقفة معاها اني مغربية زيها :27:
كانت كل يوم تمر علي وحدة وتسال ..
ايش استعمل لوجهي؟؟
ايش استعمل لجسمي؟؟
حتى خدودي ما سابوها في حالها (اياميها طالعة كريمات تنفيخ الخدود وانا وجهي مدور طبيعي اكون كده)
المهم..
جاتني وحدة سالتني ابغى كريم تفتيح..
وريتها اللي عندي على الطاولة بكل امانة ووريتها اثار كل واحد..
راحت قالت لي
انا ابغى شي يخلي بناتي زيك..
بنت خالتهم كانت سمرا وصارت بيضا زيك
بياض زي بياض الشوام وفيه حمرة!!!
قلت لها تبغي زي بياضي؟؟
لا يمكن تلقي شي يجيب لي زي لوني..
اي وحدة بهاللون الا تكون طبيعي وتكذب عليكي لو قالت لك كريم خلاها زيي كده..
قالت لا انا متاكدة انتي لازم تكوني تستعملي شي ..
حتى الابيض يتولد ابيض بعد فترة يسمر ...
قلت لها والله يا خالة انا ما استعمل شي بالمرة..
غير بس واقي الشمس وهو ما يبيض هو بس يحمي من حروق الشمس...
راحت جارتي في المحل فجاة تكلمت وقالت طيب كيف لو عرفتي انها سودانية ؟؟!!
هنا الحرمة على طول تاكدت باني كنت سمراء وسويت في حالي شي صرت منه بيضا!!
وصارت هي تحلف وانا احلف..
واحاول اشرح لها باني مش سودانية زي ما قالت انما تركية (لونا فقط ) ومجرد عادات وجواز سفر هو اللي سوداني..
هي تحلف وانا احلف ههههههههههههههههههههههه
المهم...
قالت لي ما يهم ايش تستعمل وايش الضرر
مهم عندها انها وبناتها يصيرو بيض..
قلت لها ماشي انا اجيب لك كريم لوكسيد آر ووريتها كل مخاطره وكيف يقشر ويسوي ووووووو...
قالت لي ايوة هم بنات خالتهم استعملو شي مقشر زي ما وصفتي كده...
واخذت رقم تلفوني عشان تاكد علي طلبها وتتابعني لقيتو او لا...
=========================================
من هنا بدات معاناتي مع الحبوب في وجهي :eek:..
فجاة بعد يومين ظهرت لي كم حبة في وجهي..
وشوية شوية حبتين كمان
وحبوب كبيرة من النوع اللي براس ويوجع كمان :$
استغربت جدا من ايش جات بس مشيتها عادي ما فكرت في الحرمة نهااااااااائي..
وسبحان الله الحبوب ظاهرة بكثرة على الجهة اللي هي كانت مواجهاني منها..
الجهة الثانية الحبوب بسيطة وقليلة...
رحت استشتر دكتور جلدية..
وحكيت له بطبيعة وجهي وان عمري 25 سنة وهو اكبر من سن المراهقة اللي تظهر فيه حبوب الشباب!!
راح طلب مني عمل تحاليل للغدة..
واشعة للمبايض...
طلعت النتايج نضيفة ولا في ولا شي سبحان الله...
وكانت الحرمة تغيب فترة وترجع تتصل..
تقول لي انا ما تهمني الفلوس بس ابغى اللي انتي تستعمليه ومصرة اصرار عجيييييييييب ومو مصدقة كلامي..
المهم------> (انتي كم مرة عندك مهم :angry2:)..
مرت الشهور وانا كل يوم وجهي يتبهدل اكتر من قبل..
وكل من شافني استغرب ويسالني انتي ايش سويتي في وجهك صار كده؟؟
حتى افتكر بعد حوالي 7 شهور رجعنا السودان..
كل ما جا احد من اهلي اسلم عليه كان يسلم علي..
يقول لي حمد لله على السلامة
ودغري بعد كده باستغراب انتي عملتي شنو في وشك؟؟؟
وبدات رحلة التجارب اللي كنت اسمع بيها دايما...
انا مقتنعة بان المشكلة عندي عين بس قلت اجرب ...
وفي نفس الوقت كنت كل ما امسك صورة لي قديمة اقول يا حليل زمان كيف كنت وكيف صرت..
تازمت حالتي جدا بسبب وجهي بس قلت الحمد لله انه بسبب..
غيري من يوم كبرو وجههم تعبانين فيه..
قلت ابدا ما اسوي كريم كيماوي لاني اعرف بان هالكريمات نفع مؤقت او ضرر اكثر من نفع..
جربت العسل والحلبة والمرة والسدر والترمس والكركم وووووووو
ما سبت شي طبيعي الا وعملتو
خلطات واقنعة وووو
واصلا انا مالي في هالاشياء وما احبها ما كنت اتحملها...
جات بنت خالتي قالت لي في كريم اسمه يوكو YOKO
كل البنات طايحين عليه
وهي بنفسها جربته وكثير نفع معاها..
حتى اثر الحفر خف كثير عن زمان...
قالت لي جربيه ما راح تخسري شي باذن الله...
فعلا جربت الكريم..
وقسما بالله اني اغيب عنه وارجع ارد له مرة ثانية ما شفت نتايج طيبة الا معاه...
من اول اسبوع بدا الوجه يتقشر..
يمكن شوية تحسي بحكة في وجهك وانتي ماسحاه..
بس عادي تروح لو دلكتي مكان الحكة ...
الحين انا في رمضان طلبت من بنت خالتي تجيب لي ثاني منه..
لاني اخر مرة جربته استعمله يوم وعشرة لا...
يعني ما داومت عليه..
قلت هالمرة اجرب استمر عليه للاخير يا انا يا هو هههههههههههههههههه
وفعلا من ثاني اسبوع في رمضان للحين هذه ثالث علبة استعملها او يمكن الرابعة...
والحمد لله حتى اهلي علقو لي بان وجهي صار غييييييييييييير..
مافي يمكن غير حبة صغيرة عادية او اثنين صغاااااااار في دقني..
ومن يوم لاحظت الفرق في وجهي قلت لازم ابلغ البنات بهالاكتشاف الخطير حق الكريم...
وصورته لكم كمان
علبة الكريم عليها صورة البنت بحبوب على وجهها..
ولونها متغير في كل صورة عن الثانية..
انا ظللت لكم الصورة بنفس لون البينت تمام عشان ما تتغير علبة الكريم عندكم..
العلبة فيها 4 جرام بس
يعني جدا قليل
حتى شوفو كيف العلبة المفتوحة باين ان الكريم بسيط...
اول شي استعمليه على الحبوب بس ..
بالليل قبل لا تنامي اغسلي وجهك بالصابون ..
انا عن نفسي استعمل صرت صابون الكركم باستمرار..
وحطي نقط على الحبوب بس وادهني عشان بشرتك تتشرب الكريم اكثر...
ثاني يوم اغسلي وجهك بالصابون عادي ..
بعد فترة بيقشر وجهك استعملي اي صنفرة للوجه وشيلي القشور اذا تضايقك
او ممكن تدهني كريم مرطب عادي..
ويوم ورا يوم راح تحسي بفرق في النتيجة باذن الله...
الحبوب تروح والاثار كمان تروح..
الكريم تلقيه في الصيدليات بس بصعوبة لانو منقطع من السعودية (ما ادري باقي البلدان)
وممكن تلقيه في محل ابو ريالين كمان عادي برضو..
سعره يختلف من 2 ريال لغاية 5 ريال حسب المكان اللي تاخديه منه
بنات السودان الكريم موجود عادي في كل الصيدليات والاسواق كمان..
(من صيدلية ود البشير 2 جنيه سوداني)
اممممممممممم
ايش كمان ناقص ما قلتو في كل هالكلام؟؟
اعتقد اني قلت اي شي مهم (واي شي مش مهم كمان :$)
وان شاء الله لو تذكرت شي بضيفه في ردودي اللي جاية ...
الا صح نسيت..
في هذه الصورة ...
×××××××××××××
××××××××
يمنع وضع صور شخصيه
المشرفه
انا اصغر عنصر في الصورة (شوفو الخدود اللي قلت لكم عليها :hahaha: )
واخواتي الاتنين وابوي الله يرحمه...
ومعانا ولد الجيران ..
هذه الصورة عشان لا وحدة تقول اني اهرج على الفاضي :angry2:
الحين بعد هالموضوع بطوله وعرضه...
طالبة منكم دعوة مخلصة ربنا يحقق لي مرادي قريب وعاجل..
ويبعد عننا الضيق والهم..
وتذكري في كل دعوة تقول لك الملائكة ولك بالمثل :)
ردودكم فيها كاني قلت كلام غلط او اني استعليت على السودانيين بلوني..
واصلا كلو من عند رب العباد سواء كنت بيضا او كنت سمرا او حتى سودا!!!
رجاء اللي ما عجبها كلامي وشايفة اني استعليت على السودانيين لا ترد على الموضوع!!!
اللي حابة تنقل الموضوع يا ريت تاخد الصورة حقت الكريم بس وتسيب كلامي وصورتي الشخصية هنا :26:
يسلموووووووو ع الموضوع