تجربتي في التعامل مع اهل زوجي

مرحبا بنات انا اول مره اكتب ومرره متوتره
اللي شجعني على الكتابه ان دايم يسألوني البنات كيف انتي كذا لك هيبه عند أهل زوجك وما صار معك مشاكل معاهم لان عندي خمس سلفات يعني حموات او زوجات اخوان زوجي كلهم عندهم مشاكل مع عمتي ام زوجي وعمي وبين بعض وصلة لطلاق😔
ولو تلاحظو اغلب المشاكل بين الأزواج ان بنات هذا الجيل للأسف نادر ما نلاقي وحده تعرف تتعامل صح مع اهل زوجها يا تكون طيبه بزياده او تدخل عليهم كأنها داخله ساحة معركه 😂اواواو
انا كنت عارفة قبل زواجي ان اهل زوجي مو هين التعامل معاهم وكنت مستعده لهذا الشئ بقول لكم اشياء ساعدتني احافظ على بيتي واكسب احترام الجميع ممكن تختلفو معي أو تتفقو بس انا والله مرتاحه ومريحة راسي
١.من بداية زواجك اتفقي مع زوجي ما حد يعرف تفاصيل حياتكم لا اهلك ولا اهله صدقوني يا بنات حتا التفاصيل ممنوع تطلع مثل هداياكم لبعض كلامكم. وين طلعتو ومن وين جايين لان بعض الناس ما يذكرون الله مو كل وحده مبسوطه مع زوجها ✋
ولازم تعرفو تتصرفو مع فضول الاهل بداية الزواج انا لما كانو يسألوني وينكم مختفيين ليش ما شفناكم اليوم😉 (عمتي تسألني اكثر شي هسؤال) كنت اقول والله حتا احنا اشتقنا لكم تعرفين مشاغل الحياة انتي وش مسويه اليوم واضيع السالفه 😂
ومرات تدق علي تقول وينش فيه اقوول في أرض الله الواسعه 🤣 واضحك وهي تضحك وخلاص تقفل
لان عمتي من النوع هذا الله يهديها مره تغار من زوجات اولادها بس هذا بداية زواجي انا باسلوبي الحلو ومعاملتي لها تغيرت معي وما صارت تدخل فينا ابداا صار لي ٣ سنين متزوجة وعندي ولد الله يحفظه😊
يعني عاملي ام وابو زوجك بما يرضي الله واسألي عنهم وساعديهم وقدمي لهم هدايا بس لا تطيحي الميانه ولا تسولفي عنك انتي وزوجك ابداا بالعكس انتي اسأليهم كثير اذا جلستي معهم حاولي يكون الحوار عن حياتهم مو حياتك انتي طبعاا بذكائك بتعرفي تكسبيهم بس بحدود زي ما قلنا حتى اهلك لا تسولفي عنهم خلي علاقتكم محترمه 🌼
وصدقيني اذا الوحدة ما فتحت مجال لاحد يتكلم عن خصوصياتها محد رح يتجرا انا عن نفسي ما اقول لاحد عن علاقتي بزوجي حتى خواتي وأهم أقرب الناس لي حلو مشاكلكم مع بعض انتي وزوجك محد بيعرف يحل مشاكلك كثرك انتي 💖
اذا زرتي اهل زوجك خليك رزينه وعاقله وقللي كلامك الا اذا بتقولي شي مفيد دايما تذكري اذا صار معك موقف وما عرفتي كيف تتصرفي او تردي اسكتي الصمت أبلغ من الكلام وعمرك ما راح تندمي لان بعض الناس وبذات بعض الحموات او السلفات بيدورون عليك الزله انا اقول البعض 😢
زوجة اخوي متزوجة صار لها ١٥ سنه عمرنا ما سمعنا منها كلمة تجرح وعمرنا ما شفناها معصبه او تصارخ او تتكلم عن اخوي قدامنا ودايم نحترم ذا الشي فيها حتى ما ندري اذا هم متهاوشين او متراضين 🤭 بس ما اقول لكم انها رسميه مره بالعكس تسولف وتضحك وتساعدنا اذا احتجناها ☺️
ايوه نسيت اقول لكم انا عايشه في بيت مستقل وما اشجع فكرة العيش عند أهل الزوج الا للضروره
احس طولت عليكم اكتفى اليوم هنا والموضوع القادم عن تعاملي مع سلفاتي
انتظروني 😘