تجربتي في الحقن المجهري

السلام عليكم

انا عملت حقن مجهري قبل شهر ونص تقريبا وللأسف كانت النتيجه سلبيه الحمدلله على كل حال


ماتتصورو قد ايش الصدمه اللي كنت فيها


عملتها عند سهام العكوم


من جد حسيتها ظلمتني منها كثير ماكانت تقولي خطوات العمليه شبيصير انا كنت اجي وابحث في النت ومنها أعرف

ماعندها وقت ابد ماتعطي كل مريض حقه يعني انا باليوم اللي عملتها كانت 15 عمليه عندها

وكل شي بسرعه وربي مافهم عليها وانا ماعرف كل شي علماً انها اول مره اعملها


ودي اعرف في احد عملها عندها ونجحت ؟ ربنا ارادته فوق كل شي

بس لازم الطبيب يكون عندو اهتمام

رجعت لي اجنه ولا واحد درجه اولى علماً ان عمري صغير ورحت ل دكتور ثاني قالي معقوله بنت صغيره ولا يطلع جنين درجه اولى

ماخبرتني ان يوم السحب راح احس بألم رجعت وتفاجأت بالالام ويوم كلمتها قالت لي طبيعي طبيعي طيب ليش ماخبرتيني


انا ما انكر ان اسلوبها جميل مع المرضى بس كل شي بعجله

رحت لها عشان احس بألالام بعد مافشلت العمليه تفاجأت ماعلقت بشي ابد على طول سألتني عن الاجنه المجمده اذا في او لا

وحسبت لي الايام وقالت لي تعالي ذا اليوم عشان الابره قبل الترجيع ولا علقت على فشل العمليه والاسباب

حتى ماسألت كيف صرت بعد العمليه من جد تعبنا نفسياً ومادياً وجسدياً وطبعاً ماراعت ذا الشي بسرعه تبي ترجع الاجنه

حتى ماسألت عندكم سيوله لترجيع الاجنه او لا

الله يسامحها ويوفقها يارب



انا ناويه اكرر التجربه ؟ متى برايكم اعيدها


ومن فيكم سمع عن دكتور احمد بركات ؟ او دكتور زيد الكيلاني بالاردن ؟