تجربتي في الحمل / للإستفاده

بسم الله الرحمن الرحم
السلام عليكم ورحمة الله وبركاته

والحمدلله اولا واخيراً

بقول لكم تجربتي يمكن احد يمر بنفس الظروف او يحتاج منها بعض المعلومات
والله يقدرني وياكم على فعل الخير

قبل زواجي كانت دورتي منتظمه كل 30 يوم
و الحمدلله بعد زواجي مباشره حملت بس ما اراد ربي ان هالحمل يكتمل وبعد حمل 3 شهور وشوي اجهضت وسويت تنظيف والحمدلله على كل حال

بعدها قعدت حوالي 3 اشهر بدوره متلخبطه ، يعني ثلاث دورات كل دوره تختلف عن موعد الدوره الثانيه بأيام كثيره
وكل مره كنت اتمنى الحمل و ادعي ربي واذا نزلت الدوره اصيح لين اتعب اللهم لا إعتراض على اقدارك وادعي ربي انه يثبتني ويرزقني بالذريه

المهم في الدوره الرابعه قررت اني استخدم هذي الخلطه



واكلتها من 3 يوم دوره الى اخر يوم دوره
والنتيجه ان الدم صار نوقط نوقط وقف قبل وقته الله يكرمكم فقلت اكيد هذا ضعف في التبويض
المهم خلصت الدوره و جت ايام التبويض وحرصت على الجماع فيها ولا حصل حمل
والبشاره في الموضوع ان الدوره الخامسه جت بعد 30 يوم يعني رجعت لنظامها وهذا الشي فرحني
فقررت اني في هذي الدوره الخامسه /
1- استخدم نفس الخلطه اللي اكلتها في دورتي الرابعه
1- اكل الانناس وفعلا جبت 2 انناس طازج وقطعتها وحطيتها في الثلاجه وصرت اكل منها ايام الدوره
3- يكون الجماع من الخلف هذا الشهر كله لاني خمنت ان الرحم مايل بعد عملية التنظيف بالجهاض ولان المني الله يكرمكم ينزل كله

وجت ايام التبويض وعدت و جت موعد الدوره السادسه والحمدلله مانزلت
وسويت اختبار حمل في نفس يوم الدوره وطلعت حامل بفضل ربي ثم دعائكم اللي يرد الروح
وبعدها بكم يوم حللت دم وطلع ايجابي الحمدلله

------------
الاعراض اللي مريت فيها في الدوره الخامسه:

من ايام التبويض /
الم اسفل الظهر من ايام التبويض الى قبل الدوره بكم يوم ثم اختفى
جفاف مع افرازات بيضاء مصفره تقريبا مره كل يومين من بعد التبويض
مافيه اي اعراض حمل او وحم

قبل الدوره/
اليوم اللي قبل الدوره تغير لون البول الله يكرمكم وصار ذو رائحه قويه

يوم الدوره/
يوم الدوره صار لون البول الله يكرمكم غامق شووي
كان فيه لون صفار
بعد يوم الدوره بدأت الافرازات الشفافه شبه مستمره
من بدايه يوم الدوره الم خفيف يشبه الم الدوره اذا كنت نايمه يجي دقايق ويروح
عند القيام بمجهود يكون فيه الم بالظهر
سويت اختبار الحمل وطلع لي خطين
بعدها بكم يوم سويت تحليل دم وطلع ايجابي الحمدلله

/
سويت اختبار الحمل بالسره كذا مرره و مايطلع نبض
سويت اختبار الكلوركس طلع مثل السفن الله يكرم النعمه
جمعت عينة بول كانت صافيه مافيها خيوط بيضاء ولا شي

والحين انا في الاسبوع الخامس الحمدلله لكن بدون اعراض حمل

والحمدلله ربي من علي بالحمل بتوفيق منه اولا واخيرا