كيف اخباركم ؟؟؟؟
حابه افيدكم شوي ببعض ما عندي عن موضوع سفري بالاخص اني سافرت مع ولدي الي عمره سنه و10 شهور , اخترنا النمسا لانها فيها طبيعه وانسب شي حق طفل
عموما انا حاولت قدر الامكان ان اخذ معاي اشياء استفيد منها
طبعا بجانب حقيبه يدي اشترينا حقيبه ظهر , يعني الي تنحط على الظهر مثل شنطه المدرسه وكانت هذي الحقيبه عمليه جدا للسفر ومناسبه للتنقلات واحط فيها اشياء ولدي الي احتاجها للطلعات هناك بالاضافه الى انها كانت رفيقتنا في كل مكان حتى المطار مسكينه كفت ووفت
انا رحت نهايه شهر سبتمبر وكان الجو ماشاء الله بارد ابرد من شتانا في الخليج
سفرتي كانت لمده 10 ايام , خذيت معاي حفاظات من هنا لاني ما دري يمكن اتوهق بالسفر والاحوط اني اخذ معاي , حسبتها انه باليوم تقريبا بيستخدم 6 حفاظات فأخذت تقريبا 65 وحده ولو نقصنا بناخذ من هناك بس احسن من اروح واتوهق بالاخص ان المسافر ما يضمن انه يحصل كل شي يبيه, بالاضافه الى الحليب كان حليبه سيميلاك الله يذكره بالخير وولدي متعود عليه ما يشرب غيره فأخذت معاي علبتين صغار ,خذيت له 5 بيجامات , و تقريبا 8 شباحات ايدها طويله
بالاضافه الى 3 جينزات و4 اكوات وفنايل 3 كمها طويل
والحمدلله اني شلت ملابس شتويه معاي لان اسفتدت منها كثير واصلا ما استعملت له ولا لبس صيفي لان الجو قارس
بالاضافه الى حذائين الثاني احتياط و10 جوارب يعني على عدد الايام .
كان خاطري اشيل اكثر بس ابو الشباب رافض وخايف تصير الشنطه ثقيله ومسكين ما ينلام شيل وحط....
اهم شي خذيته معاي شنطه الادويه المكونه من البندول للاطفال
وقطره للأذن ودواء الكحه ودواء للانفلونزا , وبخاخ الانف واتبعت اسلوب ممتاز عشان ما يمرض طفلي والحمدلله مامرض , كنت اعطيه البندول كل يوم مع دواء مضاد الانفلونزا عشان ما يمرض , وعلى الرغم من التنقلات والبروده ما مرض لله الحمد مع ان مناعته ضعيفه بس فادت الخطه .
طبعا خذت معاي قاروره صغيره شامبو جونسون وقاروره صغيره صابون , اصغر حجم الي نص كف اليد وحصلته في بقاله يم بيتنا هههههه , الحمدلله اني ما اعتمدت على شامبو الفندق لأنه يليف الشعر وكأنه صابون خخخ
وخذيت معاي تقريبا 5 مراضع 3 كبار وثنتين صغار
وفرشاه تنظيف المراضع اهم شي مع صابون حطيته في قاروره صغيره وكنت اغسلهم بماي حار...
وخلوني الحين اقولكم محتويات حقيبه الظهر
خذيت معاي حافظه حليب الاطفال وكنت اضع فيها تقسيم الحليب كل يوم قبل الطلعه
بالاضافه الى 4 مراضع ثنتين اترسهم ماي اي المكان المحدد والباقي اخليهم للعصير
وطبعا اشيل معاي عدد كافي من الحفاظات يعني تقريبا 6
والمناديل المرطبه لوقت العوزه
ولازم شباحه احتياط وفانيله وجينز للظروف مع ان زوجي كان يزفني يقول الشنطه ثقيله لكن فادوني هالاشياء مره مسكين ولدي رجع مره وحده الظاهر ماكل شي مو مناسبه والحمدلله اني كنت شايله ملابس احتياط استفدت من وجودهم وكنا بعاد جدا عن الفندق يعني الحمدلله استفدت من وجود الملابس
وشلت بالحقيبه مفرش النايلون لبديل الطفل ونفعني وايد وايد وايد بالاخص اني لما ادخل حماماتهم ما اشتهي احط ولدي مكان عيالهم تعرفون نجاستهم واحط المفرش وحتى لو كنت ابي ابدله اي مكان اختفي عن الانظار واحط النايلون وابطحه
طبعا خذت له بسكوت وهالسوالف الي يحبها واكل الاطفال وكانت عندي بالشنطه الكبيره و كنت احط شوي بحافظه في الحقيبه ايل على الظهر لما بنطلع ..
بنات بكمل لكم لأن الحين عندي شغله ضروريه بسويها وارجع لكم عندي لكم كلام كثير