تجربتي في السمنة والنحافة

السلام عليكم يا جميلات 😍
بصو من غير اي مقدمات وكلام كتير انا عايزة اخش في الموضوع على طول.. زي ما شايفين في العنوان انا النهارده حأحكيلكو عن تجربتي في النحافة والسمنة (آه زي ما انتو سمعتو كدا 😂😂😂😂 انا جربت الاتنين)..
اصل انا كنت نحييييفة جدددا وكنت حأموت واسمن وجرربت كل حاجة حرفييااا ومافيش حاجة جابت نتيجة خااالص لحدي ما يوم وانا بدور في المنتديات لقيت وصفة كاتباها بنت _ربنا يجزيها كل خير _ وكانت بتقول انها زادت عليها 10 كيلو في شهر 😲😲 يا نهااااار ابيااااض وانا بقى كبهيرة انبهرت صراحة 😂 وقلت مابدهاش هي جات على دي لااازم اجررربها.. ولما شوفت المكونات اطمنت زيادة الصراحة لانها كانت مليانة سعرات حرارية.. الوصفة كانت كالآتي (كوب كبيرة فول صويا محمص، ربع كوب بذرة كتان، 4 اكواب سمسم محمص ، كوب كبير فول سوداني، نص كوب جوز هند).. وطبعا رحت جرررري على العطار وجبت الحاجات وحمصت فول الصويا لوحده والسمسم لوحده وروحت طاحناهم كلهم (اي حاجة لوحدها) وبعدين جيت حطيتهم على بعض في برطمان كبيير.. والاستخدام ازااي بقى يا حلوين؟ تاخدي 3 ملاعق كبييرة من الخلطة وتحطيها على كوباية حليب كبيرة وتروحي ملخبطاها لحدي ما كلو يدوب على بعضو وتروحي شارباها مرتين في اليوم.. بعد الفطار وبعد العشا.. وطعمها حلووو اوي على فكرة 😋😋..
كنت بشربها كل يوم (مرتين) لمدة شهر من غير كسل او زهج اصل ما صدقت اني لقيت حاجة تزيد الوزن بالسهولة دي من غير اكل كتير اصل ما بحبش الاكل.. وبعد شهر بقى حصل ايه؟ بسم الله ماشاء الله وشي اتدور وطلعتلي خدود واتمزمزت بقى 😂😂😂 والحاجة اللي لاحظتها اني زدت جددا من منطقة المؤخرة والارداف بشكل ملحوووظ 😍😍.. ولما حكيت لصحبتي قالتلي طبععععاا اصل فول الصويا وبذر الكتان بيزيدو هرمونات الانوثة ف بالتالي بيبرز المناطق الانثوية 😍😍ايه الجمااال دا 😍😍😍.. واتبسطت اووووووي لمن لقيت نفسي اني زدت 7 كيلو في الميزان 😍يالهووووي ع الجمال 😂..
ملحووووظة مههمة اووي يا بنات.. الوصفة دي مش حتنفع للحوامل والمرضعات لان زي ما قلت انها بتزيد الهرمونات الانثوية ف ممكن تأثر معاكي لو حامل او مرضع.. ما تجوش تقولو بعدين اني ما حذرتش
وبسبب وزني الجديد دا جوزي شافني وأعجب بيا واتجوزنا 😍
جربوها يا بنات ومش حتندمو ولو في اي استفسار انا موجوودة يا حبايبي..
وعلى فكرة القصة ما خلصتش 😂😂لسه في الجزء التاني اللي حأحكي فيه تجربتي مع السمنة وازاي خسيت لوزني الطبيعي 😂😂😂 آه والله زي ما بقولوكو كدا.. استنوني في الجزء التاني يا حبايبي 😘😘
وصلى الله وسلم على سيدنا محمد