تجربتي في الولاده في مستشفي الملك خالد الجامعي

بسم الله الرحمن الرحيم 
الحمدلله رب العالمين فهو على كل شي قدير
اللهم لك الحمد حتي ترضى ولك الحمدد اذا رضيت ولك الحمد بعد الرضا 
اخواتي انا كتبت تجربتي وراي بالمستشفي لكثرة الاسئله عنه انا راح اكتب كل شي مثل ماوعدتكم بس تكفون ادعولي بالشفا العاجل فاانا امس الحاجة بالدعا 
اولا واح أتكلم عن الطواري ع طول دخلوني اخذو كرت المتابعة والبطاقه يعني اذا جتك الولاده اخذيها تراها مهمه لانها من غيرها ماراح تدخلين 
غرفة ماقبل الولاده مره روعه السيسترات جداً حبوبات ومتعاونات وع طول يجون عندك اول ماتدقين الجرس 
الولاده اولا وآخر تساهيل من رب العالمين مؤ من دكتوره اودكتور او اي شي 
ابرة الظهر عندهم مره حلوه اخذتها قبل مايفتح الرحم 3 سم لانه لو اكثر فتح ماراح يعطونك 
الولاده يولدك دكتور او دكتوره انتي وحظك مع 2 سسترات 
الشق العجان يشقونك اما يمين او يسار هذا نظام الحكومي ما يشقونك وسط خوفا من ان تتأثر فتحت الشرج
الخياطه طبعا دكتور اهو اللي يخيطك انا خيطني من برا وجوا 
مابعد الولاده غرفه فيها 6 حريم هذا عيبهم الوحيد 
حمامات خارج الغرفة يعني لازم عبايه وغطوه عشان دورة المياه تكرمون
البيبي يجيبونه عندك ثاني يوم ولاده سوا طبيعي او عمليه 
الزياره عندهم من 6 العصر الي 9 الليل 
تقيمي لهم 
خدمه 10/10 النظافة 10/8 الولاده عندهم 10/10 
السسترات 10/10 الغرفة 10/3 الحمامات 10/3 
أتمني اني أفدتكم بشي بسيط وأي سؤال انا حاظره