تجربتي في انقاص وزني 💪🏻

السلام عليكم
يسعد ربي صباحكم/مسائكم
كيفكم ؟ وحشتوووني والله من زمان عن المنتدى
نبدأ ..
انا انسانه طويله طول تقريباً 176 سم . ماشاء الله
وزني من يوم يومي زايد
والكل يقول مو باين لاني طويله + عظمي عريض > طالعه لخوالي خخخخخخخخ فديتهم


المهم تزوجت وكان وزني 89
و مرت الايام و بعد زواجي يمكن ب 3 سنوات و بعد ايام التطبيق بالجامعه اعتقد
وصل وزني 99 كيلو !!! متخيلين
طبعاً صدمه والله و في وقتها كنت اراجع عند طبيبة نساء عشان احمل و كذا
و اعطتني جلوكوفاج استمريت عليه سنتين تقريبا
نزل من وزني 14 كيلو و وصلت ل86
بعدها تعبت منه مره ( يوجع بالمعده + غثيان شديد + كنت زي الوحام )
وبعدها رجع زاد وزني و وصلت ل92
و يالله كنت متذبذبه ازيد و انقص
مرات اخذ الجلوكوفاج و مرات اتركه
لين قبل تقريبا سنه او اقل مو فاكره بالضبط
من خلال فرفرتي بالانستقرام و حسابات الدايت تحمست مرررره
اني انحف و فعلاً بديت بالأكل .. طبعاً احاول يكون صحي قد ما اقدر و شريت الاوربتراك متعب جداً بالبداية كنت 10 د و يادوب اقدر
وشوي شوي استمريت عليه وعلى تخفيف الاكل > التخبيص وارد جداً خخخخخخ
الحمد لله الحمد لله و ماشاء الله وصلت لوزن 77 كيلو
فعلاً فرحت فرح عجيب اني نزلت وزني
و مزلت تحت الثمانين و هالشيء خبري فيه ايام الثانوي او المتوسط
الحمد لله
الحين راح اقولكم نقاط ساعدتني كثير
اولاً الاكل ثم الاكل
استبدلي اي خبز او توست او صامولي الابيض بالاسمر (البر)
ماصرت اطبخ الا بزيت زيتون او زيت كانولا
قليل جداً القلي في مطبخي والحمد لله
حالياً احاول اخفف نشويات قد ما اقدر بالذات الارز عشان بطني >> لسا اشتغل عليه
كلي خمس وجبات باليوم عشان الحرق يستمر مايوقف و الوجبات او السناكات اللي بين الوجبات الرئيسيه تكون خفيفه قد ماتقدرين >> مكسرات فاكهه تمر فشار
ثانيا الرياضه :
كنت اشتغل ع الاوربتراك و تدرجت من 10 د الى 20 الى 30 د الحمد لله
حالياً اشتغل ع الاوربيتراك ثم بعدها اسوي تمارين للبطن
لان بطني لازال بارز شوي
+ ان شاء الله بكره راح اشتري اثقال عشان اشد يديني لانها نحفت و ترهلت للاسف >> ترهل متوسط الحمد لله
@@
ترا والله كنت اخبص كثير و احياناً اذا كنت متضايقه او زهقانه اخربها مررره يعني ممكن اكل 4 او اكثر من الشوكولاته >> سبب الدمار حقي خخخخخخخخ
لاتحرمين نفسك ولا تدخلين في متاهات الرجيم لان مصيرها الفشل الذريع والله
صح راح ينزل وزنك لس راح يرجع اول ماتتركينه
اللي ينزل ببطء صعب يرجع
تحركي تحركي اشتغلي سوي رياضه امشي ابعدي عن الخمول
والله العظيم الشعور بعد الرياضه يسعد القلب بس جربي
والله ينحفنا بالعافيه يارب من غير مرض
والله يفرح قلبي بالحمل السليم التام المعافى وكل من تمنت يارب و يتمم لكل حامل حملها