كيف حالكم بنات
حبيت أوثق تجربتي في تفصيل مطبخي حتى يستفيد من الموضوع أي واحدة تحب تفصل مطبخها لبيتها الجديد او بتجدد مطبخ بيتها الحالي
بصراحة.. اول ما بديت رحلتي في عالم المطابخ كنت اتوقع الامور سهلة وبسيييطة، لكن طلع الموضوع مررره معقد وصعب، ليه؟
١- اول شي الغش بالمطابخ كثير مره، وصعب واحدة ما تفهم بالمطابخ مثلي تكتشف اساليب الغش، لأن المطبخ يتكون من عناصر كثيرة، فيقدر اصحاب المحلات يعطيك عنصر ممتاز لكن يلعب عليك بعنصر ثاني رديء
٢- الشي الثاني ان شركات المطابخ كثيييييير وكل واحد يمدح نفسه، يعني مثلا مطابخ الالمنيوم، فيها محلات وشركات كبيرة وصغيرة، مطابخ الخشب نفس الشي
٣- الشي الثالث والمحير ان اسماء خامات المطبخ ما لها نهاية ، وكل محل يفتي من راسه، مثلا مطابخ الالمنيوم خامة الالمنيوم قطاع خاص وعادي، وكل قطاع فيه مواصفات داخلية خاصة، ونفس المطابخ ذي يستعلمون معها شي اسمه فورميكا، وبعضهم كلادينج، وكل واحد منهم فيه مواصفات وسماكات، والرخام الصناعي فيه انواع صب كامل وقشرة، والابواب فيه صاج بسماكات، ومفصلات انواع واشكال، آه يا راسي صدااااع، وما فيه شركات تقول الصدق كل واحد يضيعك بالمواصفات وانه احسن جودة.
بعد الصداع هذا كله، قررت ابحث بتويتر عن اهم الشركات المعروفة، تحت كلمة معروفة الف خط، تدرون ليه؟
- لأني اكتشفت ان المحلات الصغيرة عمرها قصير، يعني يفتح السنة ذي ويبيع بضمان ١٠ سنوات او٢٠ سنة، ثم يقفل بعد سنة او سنتين باسم جديد عشان يهرب من الضمان!!
- ثانيا المحلات اللي مب معروفة حتى لو ما قفلت دايما لاحظت ان عندهم مشاكل مع عملائهم وانطباعات الناس عنهم شينة في قوقل ماب وفي السوشل ميديا عموما
بعد البحث في تويتر تعلمت شوي عن مواصفات المطبخ المثالي لبيت العمر :)
وقررت يكون مطبخي مواصفاته كذا:
- مطبخ المنيوم من الداخل، الهيكل حق الخزانة المنيوم قطاع خاص
- جوانب الخزانة تكون كلادينج وليس فورميكا، عشان الفورميكا الجديدة رديئة مب زي مطابخنا زمان
- الابواب تكون خشب عشانه اجمل
- المفصلات تكون من شركة معروفة، والشركات المعروفة حسب بحثي ( مفصلات لاجار - مفصلات هيتش - مفصلات بلوم)
الحين اخترت مواصفاتي، وباقي اختار الشركة المنفذة، بحثت كثييير، وسألت أكثر، ودخلت محلات ومحلات، بالاخير ارتحت لهذه الشركات:
- مصنع فنون حواء: مصنع كبير وعندهم ١٥ فرع في المملكة، ميزتهم عندهم خشب وعندهم المنيوم والشركة كبير اقدر اكون واثقة من الضمان، سلبيتهم موعد التنفيذ ٧٠ يوم حبيت لو يكون اقل من كذا.. لكن اكثر شي لفت اهتمامي عندهم شي ثاني اقوله لكم بعدين..
- مصنع العليان للمطابخ: مصنع معروف وقديم وغني عن التعريف ، عندهم معارض كثيرة، مشكلتهم بس يشتغلوا على الالمنيوم وما عندهم تنوع بالالوان والموديلات.. قديمين شوي
- مصنع كافكو للمطابخ: نفس الشي المنيوم بس ما عندهم خشب، لكن ميزتهم تصاميم جميلة وحديثة، السلبية الثانية يستخدموا فورميكا مو كلادينج لكن شفت تنفيذهم حلو الصراحة ومررة متقن،، لكن للاسف السعر مرتفع كثير
اخترت مطابخ فنون حواء بعدما شفت المزايا عند كل واحد منهم واحتياجي وميزانيتي، لكن وشو اكثر شي لفتني عندهم؟
الصراحة شفت عملاء كثيير لفنون حواء في تيك توك وانستجرام مصورين فيديو في بيوتهم ويتكلموا عن تجاربهم، ما تتخيلوا قد ايش ارتحت نفسيا، اجمل شي تشوف شخص جرب ويعطيك انطباعه بخيره وشره، وهذا شي ما شفته عند اي شركة مطابخ ثانية.استعنت بالله واخترت فرع فنون حواء الرياض على شارع التخصصي، مطابخهم المعروضة كانت حلوة ومتنوعة خزائن وتلبيسات جدران ومطابخ.
الحمد لله، اتفقت مع مهندسهم وتم تركيب مطبخي بفضل الله وتجربة ممتازة تخللها الكثير من البحث والتعب لكن كان اختياري والنتيجة النهائية مريحة يارب
