نكمل موضوعنا قبل لا تدخلي على الناس ( وهذا ينفع للي عندهم رهاب اجتماعي ) اقرأي سورة الشرح كاملة والافضل تحطي يدك على قلبك وانتي تقرأي سبحان الله تحسي بانشراح في صدرك وتقدري تقابلي الناس واللي تعاني من الخوف تقرا سورة قريش لانه الاية الاخيرة تقول ( الذي اطعمهم من جوع وآمنهم من خوف )


واذا دخلتي على الناس .. لا تجلسي تحلفي كل شوية لا تجيبوا قهوة لا تجيبوا شاي .. بالله ارتاحوا (ممكن نقولها لكبار السن) .. لكن غير كذا لا عادي مو انتي ضيفة؟؟ !! والرسول وصى بالضيف !! خليهم يتعبوا عشانك ويحسوا بقيمتك


ممكن اذا ماتبغى تطولي عند احد وبتزوريهم بعبايتك !!!عشان لا يتكلفوا !! قولي لهم بجيكم زيارة خفيفة حق ساعةبس
لا تقولي لا تعملوا شاي وقهوةخلاص انتي حددتي الوقت ساعة !! خلاص هما يعرفوا ايش راح يقدموا في ذي الساعةوالضيف في حكم المضيف


قد ماتقدري ترحعي نفسك على اخر الكنب وتصلبي ظهرك واذا امكن تحطي رجل على رجل هذي الحركة تعطي ايحاء انك واثقة من نفسك حتى لو كان داخلك ماعندك ماعند جدتك ههههههههه


طبعاكلنا جريئيين مع كبار السن ... صح ؟؟ اذا كان في المجلس وحدة كبيرة بالسن !!حاولي اذا بتتكلمي معاها او تساعديها تكوني بقمة جرائتك او ثقتك بنفسك وخلي الناس تشوف ذا الشي عشان تتعود تشوفك واثقة من نفسك
حتى الاطفال نكون جريئيين معاهم ... فاستغلي ذا الشي واتكلمي معاهم واضحكي ..
طبعا انتي مو بس تنقلي صورة انك واثقة من نفسك !!!!!انتي كمان تتدربي على مواجهة الناس ابتداء بالاطفال وكبار السن وانا كانت تجربتي بدايتها مع الاطفال وكبار السن لاني اكثر ثقة وجرأة مع الناس اللي اكبر واصغر مني


وايضاً دايم نواجه احراجات في المجالس مثلا احد يقولك اشبك ساكتة ماتتكلمي !! او اشبك اليوم هادية ؟؟يمكن هما مايقصدوا يحرجونك بس ماراح يحسوا انهم احرجوكي
اتعلمي تردي هذا الرد اللي يسكتهم وايضاً رد محترم قولي ( اتكلموا انتوا و انا اذا عندي مشاركة !! ماراح اقصر )
والله بينكسفوا ... لانه ردك باين فيه تذمر حتى لو قلتيه بمزح وراح يعملوا الف حساب لكي


وكمان في نقطة مهمة ... انتبهي انتبهي انتبهي تجاملي على حساب نفسك
على الاقل 20٪ جاملي و80٪ عبّري عن استيائك من اي موقف
وانا هذا اتبعته من زمان ونجحت فيه ممكن اعديها على كبار السن .. لكن ناس متوسطة اعمارهم معليش ماني مضطرة اجامل وانا من جوة بمووووت قهر
اغلبكم ترجعوا بيوتكم منكدين من فلانه ماعرفتي تردي عليهاومن فلانه احرجتك ومن فلانه اساءت لكي
طيب انتي كذا بتكرهي تطلعي وتجتمعي بالناس لانك دايم تخذلي نفسك وما تبردي على نفسك يختي معليش عبري عن استياءك حتى لو بمزح خلي الناس تحس انك مشاعر واحاسيس انتي اهم من الناس


بعطيكم امثلة : مثلا وحدة قالتلك مرة زاد وزنك انتبهي على نفسك
اذا تحبي هذي المرأة وكلامها يمون عليكي !!! اضحكي وسايريها بالكلام ( ايوة صح زاد وزني مع الاجازة )
اما اذا انقهرتي منها او احرجتك ردي عليها وقولي ( والله بشاعة التخن ولا بشاعة النحف ) او اي رد يبين استياءك
بعطيكم مثال اخر : لو وحدة قالتلك شعرك خفيف مرة قوليلها ( طيب واذا خفيف !! وين المشكلة ؟ )
ولو وحدة قالتلك انتي ما ينفعلك ذا الشي عيونك صغيرة قولي ( بالعكس ملامحي بيبي فيس افضل من العيون الجاحظة )


ها ايش رايكم بالموضوع ؟؟ تبغوا تكملة ؟؟
يابنات حطوا اسئلة دايم تواجهوها في المجالس وتسبب لكم احراج عشان انا والبنات الواثقات من نفسهم نعلمكم على ردود تسكتهم واذا تبغوا نكمل الموضوع .. قولوا في اي نقطة حابين نتكلم ؟؟

ياليت المشرفات يجمعوا كلامي تحت بعض ... عشان لا يتعبوا المتابعات وهما يدوروا على باقي الكلامً

ماشاء الله
جميل موضوعك
الله ينفع به كل من قرأه
انا عندي صديقه مقربه جدا واحبها
لكنها من الناس اللي تفلها واجد اذا عندي احد
يعني اذا كنت عندها في بيتها وعندها ضيوف تكون محترمه وراقيه جدا في تعاملها
او اذا انا وياها فقط
المشكله تحصل اذا عزمتها عندي وعزمت معها ضيوف
تبدأ تستظرف نفسها وتعلق تعليقات بايخه ومحرجه لي
انا اقدر ارد عليها لكن استحي اقول هذي ضيفه عندي ماابغى احرجها او اجرحها وهي عندي
فأسكت واتعب
الان لجأت لطريقه ما اعزم معها احد ابد
انا وهي فقط
ماادري كيف اتصرف معها

طرررح جميل وموضوعك هادف
ياحلاة الشي لاكان من واقع تجربه ❤️

وضحيلها بطريقه لبقه
بعض الناس ماينتبهون لتصرفاتهم على بالها ان كذا اجتماعيه