تجربتي في تنظيم نوم ابني

السلام عليكم 
ابني عمره 9شهور. وهو اول طفل. ومثل كل ام كنت اخطط لتربية ابني تربية صحيحة. لكن  على ارض الواقع الشغلة طلعت صعبة
في البداية كنت انيمه في سريره لكن في غرفة نومي لحد ما صار عمره شهرين وبعدها نقلته غرفة لحاله. عشان يتعود. وماشاء الله عنه كان ينام ويصحى مرة او مرتين يرضع وينام




بس الله يحميه مرض لما صار عمره 6شهور. صار عنده التهاب بالرئة. فترة مرضه تعلق فيا كثيييير وصار مابده ينام غير بحضني. وصار طبعه النوم بحضني ومايرضى ينام بسريره 
في ليالي اقضيها نوم عالكرسي




صبرت لحد ماوصلت لمرحلة نفذ صبري وقررت اربي ابني وامشيه مثل ما انا بدي. مش العكس
بلشت بحث عالانترنت واسأل القريبات الخبيرات وتوكلت على الله




عرفت انه الاطفال الرضع ببكوا اذا ما كانو موجوعين او جعانين اقصى حد 20 دقيقة وبعدها بسكتوا




وعرفت انه لازم اتفقد ابني اثناء عملية تنظيم نومه كل عشر دقائق ولكن اذا حسيت انه تفقدي اله بزيد من حدة البكاء يفضل اتفقده من مكان ما يشوفني منه. مثل فتحة الباب




وعرفت انه كل اشي اوله صعب لكن اذا نظمت نومه بالليل بكون ريحت ابني 




اليوم الاول بعد ما تعشى وغير الحفاظة وشرب مي رضعته ونام حطيته بسريره وخرجت من غرفته. طبعا صحي اول ما حطيته بسريره مباشرة. وبلش بكا وصراخ. واناقلبي بتقطع عليه. بس انا كنت كثير تعبانة وبدي ارتاح واريحه
بكى بكاء متواصل لمدة 20دقيقة وبعدها بلش الصوت يخف. ويسكت شوي ويبكي شوي. وبعد 45 دقيقة استسلم ونام. نام لوحده بدون رضاعة ولا مشي ولا هدهده 
كانت اول ليلة اصعب ليلة علي لاني مش قادرة اتحمل اسمع صوته ببكي وما احمله. بس اشغلت نفسي بالمطبخ وتنظيفه حتى سكت ونام




طبعا صحي اول ليلة ثلاث مرات وفي كل مرة ما كنت ارد عليه. بس ينام ادخل عنده واغطيه




اليوم الثاني عمل نفس الاشي وصحي كثير بس استمريت على نفس النظام ما ارد عليه. صارت نوبة البكاء اقل حدة. بدلا من  45 دقيقة تقلصت الى نص ساعة




اليوم الثالث صحي مرة واحدة فقط. ونام بعد اقل من خمس دقائق بكاء




اما اليوم الرابع.نااااااااام نوم متواصل من الساعة 8 مساء حتى الفجر




ولحد الان الحمد لله بنام بالليل منيح. لكن في بعض الليالي بغلبني شوي. لكن اكيد مش مثل الاول
حبيت افيدكم بتجربتي لانه اكيد في مثلي تعبانين مع اولادهم ومش عارفين ينظموا نومهم بالليل

بس بدها قوة قلب و حزم