السلام عليكم ورحمة الله و بركاته
حابه اكتب لكم تجربتي في خلع 4 اسنان عقل بعمليه عند د. بدر الجندان
د. بدر استشاري جراحة الوجه والفكين
انا كانو ال2 اللي تحت بادين يطلعون بس مايلين فا اذا طلعوا راح يضغطون على الاسنان و يخربونهم و ال2 اللي فوق ما بعد يطلعون
اول شي اخذت عنده موعد في بروكير وشافني و سوالي اشعه وقالي لازم تشيلينهم كلهم
انا كنت خايفه اني اشيلهم كلهم بعمليه و خايفه من المضاعفات لان في وحده كانت شايلتهم كلهم بعمليه عند دكتور هندي بالمانع و تأزمت مره وجاتها مضاعفات فا ما نصحتني اشيلهم كلهم مره وحده
قلت لـ د. بدر انا ما ابي اشيلهم كلهم مع بعض قالي الا شيليهم كلهم بعمليه لازم
توكلت على الله و حددلي موعد للعمليه و رحت و دخلوني غرفة العمليات و جا دكتور التخدير و خدرني و د. بدر قالي انها تاخذ 40 دقيقه العمليه
حطولي بنج بالوريد و ما قمت الا لما خلصوا العمليه الحمدلله ما حسيت بشي في العمليه حتى لما قمت بس كنت كلا دايخه اما الالام ما حسيت فيها الحمدلله
انا رحت المستشفى الساعه 12 و طلعت 5 ما فيها تنويم او اي شي نفس اليوم طلعوني لانها ما تستدعي
و كنت حاطه في بالي و اللي اسمعه ان اسبوع او اسبوعين ما اقدر اكل بس الحمدلله بعد العمليه بيومين بديت اكل و بالنسبه للمضاعفات الحمدلله ما جاني اي شي
و سألت الدكتور اذا في خيوط او لا قالي الا كلهم مخيطين و الخيوط تذوب
و طبعا د. بدر الجندان دكتور اكثر من رائع عملاً و تعاملاً و اخلاقاً