تجربتي في خيانة زوجي

السلام عليكم

حبيت اكتب لكم تجربتي في الخيانه

انا من النوع اللي مافتش ابدا ورا زوجي بس سبحان االه اكتشفت ان له علاقه بالصدفه

في يوم كنا تونا جايين من السفر وزوجي اغلب الصور صورها بجواله المهم كلمته يرسل الصور لجوالي عن طريق الواتس قالي بعدين مشغول الان يتابع برنامج ع التي في قلت له ابيهم الآن برسلهم لاهلي عطني جوالك... اخذ جواله وفتح الواتس على اسمي وقالي ارسلي اللي تبي ولا تفتحي القروبات لان فيها خصوصيات ربعي قلت له اوكي.. فتحت عالصور مشان ارسل الا وشفت صور بنات وفي ارقام وواضح مصوره من برنامج شات الظاهر نسى مامسحهم من هنا رجعت لقائمة الواتس وشفت المحادثات اغلبها اسامي رجال ودخلت محادثه مشان اتأكد الا انتبهت لإسم رجال ولا عمري سمعته يجيب طاريه ( دايم يسولف لي عن ربعه) فتحت محادثته أغلبها بردوكستات وواضح انو يمسح الكلام بينهم الا شفت كلمة( من وين انتي؟) اخذت الرقم وتاكدت من صوتها انها بنت.... مانهرت ولا شي رسلت كم صوره ورجعت له الجوال الين جا وقت النوم هو دخل للغرفه ك العاده وانا جلست بالصاله توضيت وصليت ركعتين والله ولادمعه نزلت... صحى يوم ثاني وراح للعمل وانا ماقمت من فراشي ك عادتي.. رسلت له ع الواتس صورة المحادثه وصور البنات مع الأرقام دخل وشاف الصور بس ماكلمني ولا اتصل رجع من الدوام ووجهه جدا متغير وانا مانطقت بكلمه وتغدى ودخل الغرفه وانا مادخلت وراه ك العاده طلع ثانيه وناداني قلت له بغسل وبرتب واذا فضيت بجيك ... بعد ساعه تقريبا دخلت له الغرفه وكنت جدا عاديه قالي شسالفه الصور؟؟؟... قلت له انت ادرى وكل شي واضح ماله داعي اللف والدوران.. قام يبرر لي انو السبب مني لاني ابتعدت عنه وكذا ( هالفتره توفى والدي الله يرحمه وانشغلت كثير مع اهلي واخواني الصغار بس هذا مو مبرر لخيانته المفروض يوقف معاي) طبعا ماقتنعت ويمين ويسار اتفقت معاه انو نتعامل بشكل رسمي وماقدر ارجع اضحك واسولف وكنا ماصار طبعا ماعجبه كلامي وقالي لمتى قلت له الين ارجع اثق فيك من جديد وتثبت لي انت ذا الشي.... مرت الأيام وانا اعامله بششكل رسمي وهو يحاول يرضيني قد مايقدر وينفذ طلباتي الين جا اليوم وهو في العمل ارسل لي رسائل الإعتذار وإتصالات وانا كنت في سابع نومه ومارديت عليه... رجع من العمل وطلعني وداني المطعم وباس راسي وأعتذر لي ووعدني مايعيدها.....بيني وبينكم حاليا مريحه راسي لاالمس جواله ولا يلمس جوالي والصراحه ماني واثقه ميه ميه انو مايخوني بس اهم شي اكون قويه وماتنازل عن حقوقي واول باول اطالبه فيهم وعايششه حياتي

يالله كل وحده تكتب تجربتها مع الخيانه ونصيحه تقدمها ممكن تفدينا مستقبلا