طبعا كلنا نحب الازياء وكل شي يديد وراقي وفيه فكره يديده نحب نلبسه ....
وكل مااروح افصل بمشغل خياطه دايم ارسم الموديل الخياطه والفكره اللي ببالي ارسمها وتطلع النتيجه حلوة الحمد الله ..... لاني امخمخها عدل واحلم فيها علشان اضبطها ...
فكرت ارسم بما اني اعرف اشخبط اشوي وهوايتي الرسم ....
وكانت النتيجه زينه
من التصاميم اللي رسمتها فصلتها وكانت النتيجه ووواااااوووو بالبس لان اهم شي يكون الشكل ذرب وحلو .....
راح اعرض لكم التصاميم .... مع نوعيه الخام المستخدم والاكسسوارات ......
واللي ابيه منكم النقد البناء .....
واللي تحب تاخذ الموديل وتفصله مابي منها غير الدعاء لي .....
====================================================
مجموعة شهرزاد ...بنطرونات للاستقبالات
نوع الاقمشه : ستان حريرساده او مشجر بنفسجي + شيفون حريرساده اسود ...
**عند اختيار لون ستان ساده يمكن وضع عالطرف شريط من الكور الصغيره موجود بمحلات الكلف على جانب واحد من البطرون .... ويمكن تعلق خرز او اساور سود خاصه بالازياء او تعليق كرستالات صغيرة توزع عالشيفون ... وهذه الاكسسوارات موجوده بمحلات الكلف وادوات الخياطه ...
============================================================
نوع الاقمشه : دانتيل اسود + استرش حرير ازرق سماوي +استرش حرير اسود او ستتن اسود ....
**عالتوب الازرق السماوي تقص قطعتين من الدانتيل وتركب عالقماش يمكن تعتيق الدانتيل الاسود بلون ازرق خاص بالقماش مع وضع القليل من الستراس السماوي ....
الحزام من القماش البريم الاسود مع الخرز السماوي وهو عبارة عن مجموعه من خيوط بريم ملفوف حولها خرز ..
===========================================================
نوع الاقمشه : ستان ازرق سماوي ساده . + شيفون اسود ساده او مشجر
**عالشيفون اذا كان ساده قصي من القماش الستان دوائر باحجام متعدده وثبتيها عالشيفون ...
على اطراف الشيفون ثبتي خرز صغير او شريط من الكور بلون ازرق مع تثبيت خاتم بالطرف لمسك طرف الشيفون والاكمام بها فتحه من صوب الذراع .....