تجربتي في زيت طول شعري وكثفه وبياض أسناني وسمنة عيالي أذكرو الله ماشاء لاقوة الابا

العناية بالشعر



السلام عليكم ياعضوات عالم حواء


الله يجزاكم خير من يقرأ تجاربي أسالكم بالله تقولون ماشاء الله لان العين والله حق وأنا مو ناقصه الحمدلله وانا والله اني أحبكم واستفدت منكم الكثير وحبيت افيدكم والله يجعل عملي خالص لوجهه الكريم وتعبت وانا اكتب تجاربي اتمنى الي عندها رد جارح ان تحتفظ لنفسها وما أحللها تتكلم بسؤء :26:

أن شاء الله سأضع هنا كل التجارب الي فادتني وافادت بناتي في عنايتي بالشعر والجسم والاسنان بعد مازان شعري راح اهتم بشكل افضل بجسمي لان جسمي محتاج شغل كثير عشان يرجع لطبيعته وخاصة اني بعد الولاده تفحم جسمي كله واونواع التصبغات والي عندها شي سهل تقول لنا وانا عندي برامج راح انزلها لكم بعدين بس الاول استمر واشوف النتيجه واقول لكم بس هنا اطرح بعد تجاربي للوجه والشعر والجسم انتظروني ياكثر هدرتي تحملوني بس والله اني أحبك وأبي الخير لكم

شعري كان حلو قبل زواجي بس بعد الزواج بسنتين انعدم صبغته خصل وطاح كل شعري وبعدها حملت وبعد الولاده تساقط بشكل فضيع وجربت زيت العافيه مع الفلفل وعشاني كثرت الفلفل وكان من النوع الحار جدا حسيت التهبة فروتي بس قرايبي ناسبهم مره طول لهم شعرهم هذه تجربه اولى ووقفت معد كملتها وبعدين جربت زيت دابر أملا اولا الريحه تصرع ولاتروح من الشعر ورأسي عورني منها تحملتها شهر تركته وطاح شعري واحسه خل شعري اسود بزياده ولكن ناسب اختي الي دابر برشوت الازرق وعجبها وجربت خلطات شعر كثيره بس خسارة فلوس وضياع وقت

وجاني احباط في شعري زاد التساقط وقل بشكل يخرع قالو يمكن عندك الغده وسويت التحليل وكل شي سليم وجربت بعدها زيوت كثيررره جدا من المنتدى وخارج المنتدى مافي اي فايده تذكر وقعدت ادعي ربي من كل قلبي شعري يزين وسبحان الله اروح اليوم الثاني عند جارتي وكانت عازمتني ولي فتره مارحت لهم يمكن حق ثلاث اشهر واشوف شعرها ماشاء الله نازل عند اخر ظهره وقبل ثلاث اشهر كان تحت كتوفها وسالتها بعد مارجعت بيتي بالواتس شعرك ماشاء الله طال بسرعه وكثيف عن اول وش سويتي وهي طيبه وماقصرت قالت ماخذه زيت ××× من منتدى عالم حواء وحسيت سبحان الله ان ربي استجاب دعائي وقلت ابي الفزعه ××× المهم انا استمريت بالزيت مايقارب 6 أشهر و توقف التساقط من اول شهر وطال بشكل لاإله إلا الله في خلال شهرين لي الحين موقفته شهر وشعري مثل ماهو لاتساقط ولاشي وحطيته لبناتي وبناتي
شعرهم كان هايش وتالف جداااااااا خاصة البنت الثانيه
كان صعب التسريح وجربت معهم كل الزيوت والكريمات والشامبوهات ما بخلت ماركات شهيرة
وكمان الستشوار والمكواة السيراميك اشتريتهم
ما قصرت وما فلح
بل زاد سؤا بس مع الزيت الي خذيتو ×××
لااله الا الله تغيرت شعورهم والله ماتقولين غير باروكه اذكرو الله بناتي للعلم شعورهم كثافتهم وسط بس نافشه وماتطول ومع الزيت طول وكثافه ولمعه لااله الا الله شعورهم بالنسبه لبناتي ماستخدمت 6 اشهر مثلي هم بس شهرين ونص وراح استمر لهم وادعو لجارتي بالذريه الصالحه كانت بعد الله سبب في تغير شعورنا
×××




تجربتي بالاسنان الصفراء ماشاء الله

انا ركبت تقويم لمدة ثلاث سنين وصارات اسناني كلها بقع صفراء وبنيه بعد مافكيت التقويم وكلها تراكمت من الشاهي والقهوه ومره انعدمت اسناني


والنظام كان : كالتالي
افرش اسناني يوميا بمعجون ADVANCE WHITE"
سعره تقريبا 13 ريال خذيته من كارفور


افرشها كمان مرتين بالاسبوع من معجون DEPURDENT وإذا عندك مناسبه أفرشي منه قبل تطلعين


سعره تقريبا كان 59 ريال خذيته كمان من كارفور

بس لاتكثرين من استخدامه لانه يضر الطبقه اللي على اسنانك بس رهيييييب بشكل خياااال هالمعجون"
والله والله يابنات ان الحين اسناني بيضاء مره مره ولا فيها بقع ابد وصارلي استخدم النظام هذا من شهرين...
الله يعافي الدكتوره ويجزاها الف خير ....

وانتم بعد يابنات جربوها وادعو لي ان الله يستر علي ويحقق لي اللي في بالي ويوفقني....

تجربتي للوجه ماشاءالله

وبالنسبه لوجهي استخدمت قناع يابنات من جدا سحرررر على البشره يبيض ويورد بس الي بشرتها حساسه لاتحط ليمون والقناع هذا من جارتي بعد علمتني عنها في نفس اليوم الي سألتها عن الزيت ولانها كانت حاطه مكياج مانتبهت لبشرتها بس الي كان ملفت انتباهي شعرها بالنسبه للقناع احط نص ليمون ابو زهر الي يجيك اخضر و ملعقة عسل ونص ملعقة نشا ونص ملعقة حليب ونص ملعقة زبادي احطها بوجي ثلاث مرات بالاسبوع لاحظ زوجي وجهي مره منور ويقول محلوه ووجهك مورد يابنات ما ابالغ الي يشوف يحسب حطيت كريم تبيض حتى خالتي زارتني وتسألني انت تحطين كريم تبيض وماصدقت انها خلطه طبيعيه

لي تجارب ثانيه في الطبخ من عالم حواء ومن عضوات راح انزلها باذن الله الي حابه تتابع تجاربي تدخل في مواضيعي وتحصلها ولسه انا باقي اسوي تجارب على نفسي اذا نجحت ونالت على اعجابي راح انزلها لكم وآسفه مره طولت عليكم

تجربتي في تسمين عيالي ماشاء الله
وعندي كمان تجربه مره فادتني بعيالي كانو نحاف مره كل من يشوفهم يقولون عيالك ضعاف مره وانا مقهوره من وزنهم المهم وانا افرفر في المنتديات شدتني خلطه تسمن الاطفال وراح انزل لكم بنصها بعد ما اكتب تجربتي جربتها على عيالي ولاأله ألا الله من اول اسبوع حسيت عظامهم كانها اقوى من اول وصحتهم تحسنت بشكل ملحوظ وماخلص شهر الا والكل يسالني ويش عطيتي عيالك والحمدلله علمتهم وجربوها وعيالهم بعد سمنو بشكل حلوماشاء الله وحتى الكبار يقدرو يستخدموها هذه تجربتي شخصيا والناس الي اعرفهم بالنسبه لتجربة الانسانه الي نزلت تجربته ووصفتها كالتالي وبنصها

السلام عليكم ورحمة الله وبركاته .
بحكي لكم تجربتي في زيادة الوزن بعد ماياست وكل محاولاتي لزيادة: الوزن فشلت رحت لطبيب قال لي ماراح اعطيك لاحبوب ولادوا !!
عطاني وصفه كانها سحر اقسو بالله والله على ما اقول شهيد استمريت عليها اسبوع ووقفت لاني ماكنت. محتاجه كثير اسمن وصلت لوزن المطلوب ووقفتها ومن بعدها اارت شهيتي مفتوحه دائما حتى زوجي قال لي خلاص وقفي لاعاد تشربينها لاتسمني اكثر من كذا .. جيبو ورقه وقلم واكتبو الوصفه اللي بعطيكم اياها ..
1- حلبه مطحونه اربع ملاعق كبيره لازم تكون الحلبه مطحونه
2- كوبين ماء
حطي الماء في قدر على النار وضيفي لها الحلبه واتركيها تغلي مع الماء على نار متوسطه .
في الخلاط حطي 4 ملاعق كبيره دقيق وثلاث ملاعق كبيره حليب بودره وبيالة سكر واربعه كاسات ماء وتخلطينهم مع بعض وتصبي الخليط على القدر الي فيه ماء وحلبه وتحركي الخليط باستمرار بمضرب الكيك اليدوي عشان. الدقيق يمتزج كويس ومايتكتل وحركي حركي حركي لين مالخليط يبدا يثقل ويطلع فقاعات طفي النار ..
حطي الخلطه بعلبه عندك ، وبعدها جيبي الخلاط حطي عليه علبه كامله من حليب السعوديه او اي حليب سايل ولازم يكون سايل مو بودره وحطي عليه تمر عجوه وتقومي باخراج النواه من التمر طبعا ، وتاخذي عشره ملاعق كبيره من خليط الحلبه اللي سويتيه وتحطيها بالخلاط وتخلطيها جيدا لين مايذوب التمر وتدخلي خليط الحلبه اللي حطيتيه بالحلبه في الثلاجه عشان تاخذي منه كل يوم .. وتصبي الخلطه في جيك ولازم لازم تخلصي الجيك هذا خلال اليوم وكل يوم تسوي لك واحد جديد هذا اهم شرط كل شوي اشربي كل ماتعطشي المهم لازم خلال اليوم تشربي والايام اللي بعدها الخلطه موجوده عندك باالثلاجه تاخذي منها وتخلطيها مع التمر والحليب . والخلطه طعمها لذيذ جدا جدا ، واستمري عليها لين ماتوصلي للوزن المطلوب بعدها وقفي وميزة الخلطه زي ماقال لي الدكتور اذا وقفتيها ماراح ترجعي تنحفي لان الحلبه معروفه سمنتها ماتطلع من الجسم ابدا ،،،، تنبييييه هام !!! لازم تتسبحي كل يوم وانتي خلال فترة استخدامك او اكثر من مره في اليوم وتعطري واستخدمي مزيلات العرق خصوصا المتزوجات المتزوجات لازم تتبخري كل يوم لان ريحة الحلبه قويه وتمسك في الجسم حتى الله يكرمكم ريحة البول بتصير حلبه .. اتمنى اكون افدتكم وجربوها


201
297K

يلزم عليك تسجيل الدخول أولًا لكتابة تعليق.

تسجيل دخول

ميووووسة22
ميووووسة22
ماشاءالله تبارك الرحمن
يعطيكي العافية على ذكر تجربك
تغريد الحزن
تغريد الحزن
يسلمو على ذكر تجاربك والله يرزق جارتك الذريه الصالحه
رحالة عبر الزمن
رحالة عبر الزمن

ما شاء الله
عسا الله يهنيك بها النتائج الرائـــــــــــــــعة
شــ الروح ــوق
شــ الروح ــوق
ماشاء الله
الله يجزاك خير
ملكــــة الليــــل
بنات مشكورين على تفاعلكم وراح انزل لكم تجاربي الناجحه بعد ما أنتهي منها و
أشكرا كل الي ذكرو ربي والله طمنتوني والله ان فيكم الخير والبركه ويازينكم زيناه والله أحبكم وكثير استفدت منكم وهذا ولاشي من جهودكم وجهود هذا المنتدى الي نال على أعجابي ومشكورين ادارة عالم حواء على تثبيت الموضوع