سلام الله
كيف بنات حواء ؟؟؟
بما اني فاضيه وجالسه أطقطق على عالمي الوردي ..قريت موضوع العضوه مجنونه بهواها ..عن مقاضي البيت ..:icon33:
وبما اني متأكده أن أغلب بنات حواء يجي أخر الشهر وكل وحده داعسه الثانيه بعربية المقاضي ههههه من الزحمه ..:22:
قلت بنزل تجربتي يمكن تنفع وحده فيكم وتدعي لي كل ماشافت أغراضها هههههه..:32:
كنت كل اخر شهر أنزل أقضي من الهايبر ماركت مره من الدانوب ومره من بنده ..
أنزل والفاتوره أقل شي 1000 ريال والمشكله أني اخذ أغراضي كلها بالحبه ..
مثل التونه اخذ 8حبات والحليب السايل نفس الشي والمكرونه والصلصه والمقشر وكل كل شي من أغراض البيت ..
والمشكله العظمى أنها تخلص قبل مايخلص الشهر ..:mad:
ويجي أخر الشهر وأم شبوطي في المرتبه قدام طالعه تقضي للبيت ..:3_10_6:
لين هذاك اليوم اللي جاء زوجي فيه يكلمني ودار بيننا الحوار التالي >>>حسيت ا ني بمدرسه ههههه
هو : يالله مشينا بنقضي للبيت
أنا: وش رايك هذي المره نقضي من محلات الجمله بالكرتون
هو :أقول قومي بس ماقدرنا بالحبه قالت بالكرتون
أنا : جرب هذي المره والشهر الجاي ماراح نقضي لأن الاغراض ماراح تخلص بسرعه
هو: بجرب هذي المره بس مع اني متأكد انها نفس الشي خساره وبيجي أخر الشهر وبنروح نقضي من جديد:44:
أنا : نجرب ونشوف ...:27:
المهم أقوم وأكتب ذيك القائمه الطويله العريضه وقلت كل شي بالكرتون أتفقنا ..
راح لمحلات الجمله وأخذ كل شي كرتون والرز والصابون أكياس كبيره
والزيت والكلوركس والكومفرت أحجام كبيره
ومناديل وسفرة للأكل وكل كل شي جابه بالجمله ..
حتى النستله والقشطه بس نص درزن وبسكوت الشاهي للحلى ..
والله يابنات لنا 3شهور مانزلنا نقضي للبيت الا بعض الاغراض البسيطه اللي تخلص علينا مثل الزيت اول الكومفرت لأني مدمنه عليه ههههه..
طبعا أستثنيت الدجاج والخضار من القائمه لاننا ناخذه طازج اذا احتجناها ...
والفاتوره نفس الشي ماتغيرت ولاتعدت ال1000 ريال ..:biggthump
هذي تجربتي وحطيتها لعلها تفيد أحد منكم وأنتوا جربوا وشوفوا والله توفر عليكم كثيير ...
اللي تستفيد لاتنساني من الدعوات الحلوه ..:27:
سلاااااااااااااااااااااااااااااااااااااااااااااام
ام شبوطي @am_shboty
عضوة نشيطة
يلزم عليك تسجيل الدخول أولًا لكتابة تعليق.
توتو البي
•
الله يعطيك العافيه
الصفحة الأخيرة