السلام عليكم .. كيف احوالكم .. يارب تكونون بخير وعافية وسعادة .. حبيت اكتب لكم تجربتي في الحمل .. مدري هل الحمل حصل بسبب اللي سويت .. انتو شوفو تجربتي واحكمو ..
انا تزوجت وظليت 4 شهور ماحملت .. كانت الدورة اذا جاتني تتعبني وتنزل في البداية كميه قليله كانها تراب الله يعزكم .. المهم ماكان تركيزي ع الحمل .. كان تركيزي ع الم الدورة المتعب وكيف اتخلص
منه .. لما جاتني الدورة بعد خمسة اشهر من زواجي قلت في نفسي : ليش مااجرب خلطة فيافي اللي تنزل السدد -- طبعا انا قريت عند فيافي ان اللي تكون دورتها مؤلمه وزي التراب ذي فيها سدد تاكل الخلطه
ذي وتشوف البلاوي اللي تنزل -- قلت يلا علشان اتخلص من الوجع .. اكلتها ثلاث ايام على فكة الريق ويوم جاء اليوم الخامس صباح ويجيني الام شدييييييييييييييييييييدة والله اني ابكي منها:( وصحى زوجي
من بكائي وشوي اروح للحمام والله ياحريم مااكذب عليكم نزلت مني قطعة طولها ثلاث اصابع جنب بعض نفس حجم ثلاث اصابع مجتمعة ويختفي الالم وظلت الدورة معي حول 12يوم رغم انها ماتاخذ مني 6
ايام .. المهم الشهر اللي بعده ماجتني دورة حللت طلعت حااااااااااااااامل ويافرحتي اللي ماتمت .. مريت ع جهاز اللي يكشف ع الجوال وانا رايحة لزواج .. وولدت في الشهر السادس جبت ولد فيه تشوهات
ومات بعد 5ساعات .. والحمد لله ع كل حال ..
المهم قلت اذكر لكم تجربتي يمكن الحمل صار بعد مانزلت ذي القطعة الكبيرة .. والخلطة هي
اول يوم من الدورة خذي فنجال حبة سمراء +فنجال مرة واطحنيهم وحطيهم على نص كيلو عسل طبيعي وخذي ملعقه على الريق
بس انا اخذت تقريبا 5قطع مر صغيرة ونقعتها بشوي ماي لين حسيت انها شوي ذابت وحطيت عليها يمكن 14حبة سوداء وملعقة عسل اكاسيا ..
حبيت انقل لكم اللي حصل لي واللي تبي تجربها احسن تستخير وترى مو بالضروري اللي يضبط معي يضبط مع غيري واللي تجربها تكفى لاتدعي علي اذا جاها الالم اللي جاني والحمل بيد الله اذا اراد تحملين راح تحملين حتى لو ماعملتي شي .. والله يرزق كل محرومه بما تقر به عينها ..
يلزم عليك تسجيل الدخول أولًا لكتابة تعليق.
الله يعوضك يارب ويرزقك بالحمل السليم المعافى ويرزقنا عاجلا غير اجل يارب
وجزاك الله خيرا على ذكر تجربتك
وجزاك الله خيرا على ذكر تجربتك
الصفحة الأخيرة
جزاك الله خير