مساء النور والسرور
والله يابنات أني أكتب الموضوع للمره الثالثه ،،سبحان الله كل مره يصير شي ويختفي الموضوع وانا بالنهايه :44:
أول مره يوم خلصت بعد عناء ساعه ،،تخيلوووووووووووووا طفت الكهربا لمدة ثانيه واشتغلت وطار الموضوع والمره الثانيه علق الجهاز واضطريت اقفله . :icon33:
عاد الثالثه ثابته بأذن الله ،، وأدعوووووووووا لي بالدعوات الطيبه
>>>تقول إذا صار شي ما عاد أنا كاتبه الموضوع
فكرتي جت بعد أرتفاع أسعار الزيوت عند العطارين والمحلات ،،،، لا والعلب عندهم صارت صغيره مو مثل أول ،،يادوووووووووب 250 مل وماتحصلين زيت الا فوق ال15 ريال
فقلت اصلح الزيوت بالبيت ،،والحمدلله نجحت التجربه ونتائجها مرضيه وبدون تكاليف .:27:
أنا عندي خلفيه بسيطه عن صناعة الزيوت ومع البحث والتحري ،،استفدت أكثر و أن شالله أنتم بعد تستفيدون
الطريقه هذي اسمها طريقة النقع ،، وهي نقع النبته او الفاكهه او حتى الخضار في الزيت لمدة معينه تحت حرارة الشمس حتى يمتص الزيت خصائص وفوائد ورائحة النبته.
الطريقه : ( المقادير عشوائيه ،،يعني بالنظر واللي تبي مقاييس دقيقه ،،لكل 200 مل من الزيت 200جرام من النبته) .
1- تقطع الفاكهه او قشور الفاكهه او النبته الى قطع صغيره جدا ،، ثم توضع في علبه او برطمان زجاج ويضاف لها زيت دوار الشمس ويحكم اغلاق العلبه وتوضع في الشمس لمدة عشرة أيام أو اسبوعين ( وفي رواية أخرى شهر كامل ) مع رج العلبه يوميا.
2- بعد أنتهاء المده يصفى الزيت بالمصفاه او بشاش او بغتره ( أنا أستخدمت شاش ) حتى اضمن تصفيه دقيقه للزيت. ثم توضع في علبه زجاج ويستخدم الزيت للشعر والبشره ..وبعدها قولي للعطار ودااااااااااااعاً.
ملاحظه:
1- يمكن اضافة قليل من النبته او الفاكهه للزيت المصفى حتى يعطي تركيز اقوى ورائحه اقوى ونتائج أجمل.
2- مره ماحصلت زيت دوار الشمس واضطريت استخدم زيت العربي ،، وطلع الزيت المصفى ثقييييييييل وريحته سيئه ،،لذلك زيت دوار الشمس أفضل بكثير.وعلى فكره الزيوت طلعت نفس الزيوت اللي بنشتريها من العطار يمكن احسن بعد لاننا نقدر نتحكم في تركيزها .
هذي صورة الزيت اللي استخدمته
ومن علبه وحده تقدرين تسوين أكثر من نوعين زيت.
يــتــبع
زيت البابونج / النعناع / الجرجير / الاس / القرنفل / البرتقال
وصلحت زيت الليمون ( طبعا الليمون والبرتقال استخدمت القشر ) وزيت الزنجبيل استخدمت زنجبيل مبشور
وكان عندي ورد مطحون كمية كبيره صلحت منها زيت ،،للشعر وريحتة روووعه
وصلحت زيت الحلبه ( حلبة مطحونه ) ويستخدم للبشره
وأخيررررررررا أذكروا الله يذكركم
اتمنى موضوعي نال أعجابكم ،،، وأطمع بدعوات طيبه
واتمنى أي وحده عندها خبره في الصناعات المنزليه البسيطه مثل الصابون والشموع أوي أي شي ثاني تراسلني حتى نستفيد ،، وانا ماراح أبخل عليكم بتجاربي الناجحه .