تجربتي في علاج البواسير الحمد لله

السلام عليكم ورحمة الله وبركاته

اولا اسأل الله ان يعافي كل مبتلى بالبواسير اللهم اميين


البواسير وما ادراك ما البواسير .. :09:

غالبا مافي امرأه ولدت اكثر من مره تسلم منها واللي تعاني منها تعرف كيف المها
شديييييد والله ان الم خياطة الولاده عندي اهون واخف

بالبدايه حشرح لكم كيف كانت معاناتي منها
بعد ماولدت ولادتي الثانيه وبفترة الاربعين عانيت من امساك ومن بعد الامساك بدات عندي البواسير
كانت وقتها بالدرجه الاولى وكنت ابكي منها
المهم مرت الشهور وخفت وترجع اذا رجع الامساك والامساك معايا مزمن
اخر شي وصلت للمرحله مفززعه اعتقد انها الدرجه الثالثه صرت الله يكرمكم وقت قضا الحاجه اشوف دم كثير وابكي بكا مو طبيعي واتألم ولا ارتاح سواء جلست او مشيت واخاف جدا من قضاء الحاجه
وبعد الانتهاء من الحمام يستمر الالم لدرجة ما ابغا احد يكلمني من التوتر النفسي والالم الجسدي



والحممممد لله ربي ارسل لي امي ودلتني على العلاج والله اكتبلكم الموضوع وانا بس استخدمته مرتين والالم وقت قضا الحاجه اول مره بعد العلاج خف بنسبة 90٪ وثاني مرا اختفى الحمد لله
والبواسير كانت نازله عندي شوي اللي صار انها ارتفعت الحمد لله وصرت ما احس فيها


العلاج هو ..
سنام الجمل فقط

اول شي اطمنكم ان ماله ريحه سبحان الله انا لما ارسلت زوجي يجيبه اتوقعت اني حشوف شحم زي شحم الغنم لكن سبحان الله مرا يختلف شكله زي الاستيك ولونه ابيض وماله ريحه ريحته تطلع اذا سيحته ومجرد مايجمد تروح

طريقته
قطعته مربعات صغيره وسيحته على النار وحطيته ببرطمان قزاز ولما يجمد اقطع منه بالسكين قطعه صغيره واستخدمها تحاميل
والحممممممممممد لله ارتحت ارتحت ارتحت وحستمر على استخدامه ثلاث ايام ثلات مرات كل يوم


اتمنى انكم تستفيدو من تجربتي وتلجأولها قبل العمليه لان العمليه الله لايحيجنا لها مرا احراااااج

ولاتنسو تحسنو اكلكم عشان تتخلصو من الامساك لانه عدو البواسير

اللهم صل وسلم وبارك على نبينا محمد :heart: