السلام عليكم ورحمة الله وبركاته
كيفكم أخواتي بنات عالمي المفضل
عدت لكم مثل ماوعدتكم بتجربتي طبعا تذكير للي ناسيه موضوعي حبيت احط لكم الرابط بس مالقيته مع توقف خدمة البحث .
قصتي للتذكير انا الي نزلت اني قررت اعمل عملية المنظار لكوي التكيسات وشكرا لكل وحده ردت عليه ودعت لي الله يجزاكم الف خيرر .
طبعا حاتكلم بالعاميه اسهل عليه كانت عمليتي يوم الاثنين
الموافق 1432/8/3 هـ دخلت المستشفى الصباح الساعه 9 طبعا جلست بالانتظار استنى الدكتور امكن ساعه كامله لين ماجاء وبعدين سوينا اجراءت الغرفه ودخلت على الساعه 10 ونص وجات الممرضه وعملت الفحوصات الروتينيه من قياس الوزن والظغط وعملت تحليل دم وجلست بالغرفه بانتظار احد يجي ويقولي يالله عمليه طبعا كان فيه نوع من التوتر بس الحمدالله كنت مرتاحه لاني استخرت وماخاب من استخار الله وجلست انتظر وأحس الوقت يمشي ببطء لين الساعه الواحدة تماما وجات الممرضه تعلمني انه خلاص اتجهز للعمليه واخذوني في السرير متوجهين فيه لغرفة العمليات ويارب رحمتك في هذا الوقت حسيت بضعفي وان الدنيا ماتسووى صدق ابن ادم ضعيف ادنى شئ يأثر عليه ودخلت الغرفه وثالث نفس اخذته من الكمام المخدر ولاعاد حسيت في الدنيا مافقت الا الساعه 3 العصر تماما وكنت احس ببرد شديد وحسيت بالم مكان العملية طبعا اول ماقمت كنت مدخدخه مره وأحس بالتعب يعني انام شويه وشويه افوق واحس بالي حولي وكنت اطلب منهم مسكن او اي شئ والحمدالله السستر كانت مره طيبه وتعاطفت معايه وجابت لي شراشف وغطتني وجابت لي مسكن والحمدالله بس اعطتني حسيت براحة وأنه الالم بدا يخف وخرجوني من غرفة العمليات وكان بانتظاري امي الله يطول بعمرها ويجزاها خير تعبت معايه كثير يارب قدرني وارد لها جمليها في يوم من الايام وزوجي وابويه ودخلت غرفة الملاحظه امكن 3 ساعات كذا والحمدالله خرجت منها وبقيت متنومه في الغرفه لليوم الثاني الصباح وخرجت بالسلامه طبعا كنت احس بالام مكان العمليه وخاصة أثناء الحركه لانه العمليه مكانها حساس وقبل الخروج جاء الدكتور وخبرني انه قام بعمل 3 فتحات تحت السره وأسفل البطن مكان المبايض جنب بعض وخبرني انه االحمدالله كل شئ سليم بس حصلوا تكيسات وقام بكويها والحمدالله طبعا اعطاني موعد بعد أسبوع علشان يشيل اللصق ومنعني من الاستحمام وأن تقرب المويه للعملية وبالنسبه للمسكن ماعطاني قال يكفي الي أخذتيه في المغذي بعد العمليه حطولي مغذي وكان فيه مسكن والحمدالله حسيت بنغزات او ل يوم وثاني يوم بعد العمليه وخاصة اثناء النوم لانه ماتقدر تتحركي براحتك والحمدالله الحين بعد العمليه ب5 أيام احس براحه كثير وماحس الا بنغزات خفيفه جدا ..
طبعا نتائج العمليه وايجابيتها للحين مالاحظت شئ لانه لسى بدري مالي الا كم يوم لكن والله مادخلت الا علشان اكتب لكم قصتي زي ماوعدتكم لكن ان شاء الله اذا حسيت بتحسن او انتظام في الدوره حادخل واخبركم للافاده ..
عذرا كلامي غير مرتب ولكن الي في قلبي قلته لكم ولااطلب منكم غير الدعاء لي بالذريه الصالحه لعل منكم من تستجاب دعوتهاا ..
وختاما اني داعيه فامنوااا
ياررب يارحيم ياكريم ياودود ياذا العرش المجيد يافعال لما تريد اسألك بنور وجهك الذي ملأ اركان عرشك ان تجبر بخاطري وتفرح قلبي بالذريه الصالحه وتفرح قلب كل محرومه يارب وترزقها يارب أن أمر حملنا هين عليك فقل له كن فيكوون ....
م ي م ي م ي @m_y_m_y_m_y
عضوة نشيطة
يلزم عليك تسجيل الدخول أولًا لكتابة تعليق.
لعب ومرح
•
يارب ياكريم يفرج علي وعليك الحمدالله على كل حال الخير فيما اختاره الله
الحمدلله على سلامتك ويارب يرزقني ويرزقك الذريه الصالحه
حبيت استفسر في اي مستشفى عملتيها وهل الدكتور هو الي نصحك تسويها وكم ثقب في المبيض الواحد لأني سمعت أنه ماتكون أكثر من 4ثقوب في المبيض وكثير خوفوني منها الله يرزقنا يارب
حبيت استفسر في اي مستشفى عملتيها وهل الدكتور هو الي نصحك تسويها وكم ثقب في المبيض الواحد لأني سمعت أنه ماتكون أكثر من 4ثقوب في المبيض وكثير خوفوني منها الله يرزقنا يارب
الصفحة الأخيرة