تجربتي في عمليه ترميم المهبل وتجميله + تساؤلات للمجربات سابقا

السلام عليكم ورحمه الله

اسعد الله مسائكم بكل خير ..
حابه اكتب تجربتي ف عمليه ترميم وتجميل المهبل لانى تعبت ادور تجارب سابقه لعمليتى مالقيت الا كم وحده ع الرغم ان الدكتورات يومياًيسوون هالعمليه بس ما نلقى تجارب كثير
ومن باب منفعه للاخوات راح اطرح تجربتى واتمنى من المجربات يعطوني ايضا تجاربهم ف سرعه التشافي

طبعا انا عندي 3 اطفال والحمد لله اكتفيت فيهم ولا عندي رغبه زياده اطفال قبل لا يجي ع بالي اسوى التجميل
قبل سنه 5 شهور جبت ولدي الاخير ولادته كانت غريبه عجيبه ادف فيه من اذان الفجر ولا طلع الا 11 الا ربع
+ ولدته الحمد لله بدون اى شق ولكن بعد الولاده ماخيطونى ولا سوو اي شي قلت يمكن لانى م تشققت خيره وارتحت من هم الخيوط فترهالنفاس
الشي الاخر ما اهتميت ب نفسي وقت النفاس وكنت اشيل واحط ولا علي من شي
الشي الوحيد الزين ف ولادتي الاخيره انى كنت حريصه ع ربط بطني وطلعت بعد 4 شهور من التجربه بدون بطن

اللي حصل ان بعد سنه وانا مسافره تعرفون قبال المرحاض وانتم ب كرامه مرايه🤦🏻‍♀️🤦🏻‍♀️🤦🏻‍♀️ وشفت وليتنى ماشفته بوااااابه والله العظيم فمتمساح ضاق صدرى مره
بس تناسيت الموضوع وزوجى م يشكي من هالسوالف واصلا صار في تباعد بينا بهالموضوع لظروف خارجيه

المهم قبل شهر حسيت بزي الكوره تطلع من المهبل ومعاي امساك دايم لازم اضغط عشان امشي الوضع

بحثت ف النت كثير واحاول اقرا التجارب وابغى شي قريب مني بس مافكرت ب التكلفه ع اعتبار انها ماراح تتجاوز 3000 ريال

📍كانتالمكان: مدينه الرياض
📍والخيارات: ايمان فطامي وايمان العبره وبدايه العنزي
ايمان فطامى مالقيت موعد ف طنشت
لقيت موعد قريب من ايمان العبره وموعد بعده ب اسبوع عند بدايه العنزي وسجلت

رحت يوم الثلاثا لايمان العبره ودخلت عليها قالت الرحم هابط ووسيعه والاشفار مررررره كبيره وخارجه ع برى وهبوط ف المستقيم لازم لحالتكترميم (والله اعاده هيكله يبي له) وقالت لك خصم 10٪ عشان اليوم الوطنى وانبسطت
وطلعت اسدد ومجهزه البطاقه والضحكه من الحلق للحلق واسالها عن السعر قال 22000 وبعد الخصم 19800
كلمت منسقه بدايه العنزي قلت انا بس بعرف الاسعار من كم تبدا عشان اذا كانت ارخص رحت اشوفها قالت من18000 تبدا اسعارها قلت اجل نوفر فلوس الكشفيه
صدمه السعر مره مره مره بس لازم اسويها قلت بسدد اليوم 5000 ريال وبعد م يتحدد الموعد اكمل الباقي وجو اخذو منى التحاليل ع اعتبارموعدي بعد 3 اسابيع
طلعت للبيت وارتحت وتنط براسي جنيه الاغصب اسويها بدرى لازم
واكلمهم واحاول ب موعد قريب ويحددونه لي بعد اسبوع يوم اربعاء وجيتهم قبلها بيوم احلل حمل واكمل باقي السعر

نجي لليوم الموعود 💔💔💔💔💔
📍مكان العمليه: مستشفى النخبه منعت وزاره الصحه عمل هالعمليه ف العيادات
كل ماذكرته يعورني قلبي رحت للدوام واستاذنت الساعه 11 لان العمليه الساعه 1 تبدأ
دخلت وغيرت ملابسي وبدا استهبالي من الخوف والروعه
دخلت لغرفه ماقبل العمليه عرفت وقتها ان التخدير موضوعي وضااااااااااق صدرى مره كنت اتمنى انه كلي او ابره ظهر حاولت ورفضتالدكتوره بحجة ان العظلات تشد وقت التدخير الكلي والنصفي وهى تبغى العضلات ع وضعها الطبيعي ..
توكلت ع الله وحطو لي قبل لا ادخل للعمليه كريم زي البنج ع المنطقه من برا وجوا
ودخلت للعمليه ومن الخوف جونى اربعه يحاولون يركبون لي ابره المحلول مو لاقين وريد من الخوف وركبو لي ابره اطفال يالله مسكه معاهم ..

وجت الدكتوره ودخلت رجولي ف جراب جلد معلق مثل حق الولاده وربطو رجولي عشان يضمنون تعليق الرجول 😭😭😭
وبدت الدكتوره ف اول ابره بنج الساعه 2 الا ربع عطتنى تقريبا 4 او خمس ابر
ماحسيت فيهم وبدت الدكتوره تشتغل وانا يد يمين ف المحلول ويد يسار ع الضغط ولا اشوف الا الكشافات والممرضات اللي يمين ويسار
وتشتغل والجوووو بارد والقص هنا مو ف المشرط لا القص بالليزر وتشمين ريحة زي حرق اللحم 😭😭😭 وانتبهت لجزء وهم شالوه وتبداالنفاضه وارجف والدكتور تسحبنى لعندها تقول لاتشدين وكل عشر دقايق تشدنى لانى ارفع نفسي
لو حصل لكم تكفون لاتغامرون بالموضعي متعب نفسيا وجسديا كثير كثير
بتقولون حسيتى بشي لا والله بس خوف وبرد وشد المستقيم مزعجج بشكل ويالم بس الم غريب

وع الساعه 4 الا ربع انتهت ساعتين متواصله تشتغل مابين تجميل داخلي وتعديل للمستقيم وتجميل لجميع الشفرات بصراحه ع الشغلتستاهل كل ريال انحط وانا ماشفت النتيجه بس شفت الجهد
اعطونى ابره ف العضل وبعد م طلعت قعدت استريح ساعتين واذا تبولت اطلع بس يوم وقفت بروح الحمام ويغمى علي اتوقع لانهم مارجعويعطونى محلول مره ثانيه ركبو لي محلولين وبعدها صرت افضل ومشيت وتبولت بصعوووووووووووبه ماتقدرين تدفين وتجلسين تنتظرين يطلعمن نفسه وبعدها التنشيف يخوف مره بعد الانتظار ساعتين رجعت الالام اقوى وقعدت اصيح وجت عطتنى تحميله خففت بس ماشالت الالم
بعدها طلعت للبيت مع ادويه وهى عباره عن
مضاد حيوى كل 12 ساعه
تحاميل فولتارين
حبوب سلوبادين
ملين للامعاء

الان لي 5 ايام من العمليه
اول 3 ايام الم مو طبيعي هى خيوط هو شد المستقيم
الم الم لا يطاق الحمد لله ع نعمه العاملات بحياتنا والا كان اكلت هواء
بعدها خف الالم لكن بدا الم شد الخيوط ولا ارتحت الا لما صرت احط عليها فوسيدين (كريم ابو اسد) لدرجه اذا حطيته وقعدت خمس دقايقيجينى النوم من الراحه

الان طرحت عليكم التجربه واحتاج اجوبه لاسألتي

📍متى اصير اقدر اجلس لانى من اقدر اجلس ابداااا تحت الم ف منطقه العجان
📍انا موضيه الدكتوره لا تضوق واجد وشكلها سكرت ابي حلول اوسع شوى لان انا من البدايه كان هدفي تجميل الاشفار وعلاج الهبوطاكثر من ذا التقفيل
📍 احتاج اعرف ايش ممكن يسرع من التئام الجروح ويطيح الخيوط ..
واللى عندها اضافه اكون شاكره ومقدره لها