تجربتي في مستشفى الاطباء المتحدون

السلام عليكم ورحمة الله وبركاته
كيفكم يا كروشات
الله يقومكم بالسلامة يا رب
حبيت افيدكم بتجربتي بالولادة في مستشفى الاطباء المتحدون في جدة
انا الحمد لله ولدت قبل 18 يوم تقريبا
اول شي حسيت بالام خفيفة من الصباح تقريبا الساعة 8 بس كنت اقدر اتحملها كملت شغل البيت لحد الضهر لما زاد الالم وصار منتظم تقريبا طلعت للمستشفى بعد اذان الضهر
دخلت للطوارئ كشفت علي الممرضة كان الرحم فاتح 5 س بس يا بنات الحمد لله مع ذلك كنت متحملة الالم ولما تيجي الطلقة اخد نفس
انا كنت اراجع عند الدكتورة فاطمة النمر بس على موعد ولادتي سافرت فاخترت الدكتورة صباح الحداد يوم الولادة بس
يعني ما كنت اعرفها ولا عمري شفتها
سألت عنها بالطوارئ برضه قالولي عنها شاااااااطرة كتير
المهم انتظرت شوية بالطوارئ لانه ما كان في غرف ولادة فاضية
بعد شوية طلعوني على غرفة الولادة واعطوني لبس المستشفى
وانتظرت الدكتورة - طبعا الدكتورة صباح كان عندها ولادة قبلي مشان هيك مرت علي الدكتورة ناهد بالاول وفحصت الرحم
بعد شوية اجت الدكتورة صباح كشفت وكان الرحم فاتح 9 س ما شاء الله قالت للممرضات يحضروني بوضع الولادة
طبعا بالاول لما كان يزيد الطلق يعطوني كمامة ريحتني كتيييييييييير الحمد لله
وشوية والحمد لله ولدت وجبت بنووووتة الله يحميها هي واخوها
بعدين اعطتني ابرة البنج مشان الخياطة
يعني الساعة 5 وكان كل شي منتهي الحمد لله



رأيي بالمستشفى
المستشفى ما شاءالله ممتااااااااز في كل شي
من الطوارئ عناية واهتمام
الممرضات كويسات كتير ودايما يضحكو بوجهك
والدكتووورة صباح عسسسسسسسسل
ايدها خفيفة كتير ماشاء الله
حتى الخياطة ما حسيت فيها لله الحمد
وطبعا خياطتها تجميلية
والخدمة ممتازة خدماتهم فنقية
وبالنسبة للاكل طيب ونظيف



بنات اي استفسار عن المستشفى انا جاهزة بس يمكن اتأخر بالرد بتعرفو هلأ صرت انشغل بالبيبي