تجربتي في معرفة جنس الجنين

السلام عليكم ورحمة الله وبركاته


من دخلت الشهر الرابع الين ذلخين بدخل السادس
وانا ذابحني الفضول في معرفة النونو اللي فبطني ايش ؟
ولد جميل البسه ثوبه وابخره ويروح مع ابوه لصلاة الجمعه
ولا بنوته كتوته صديقة مامتها وسندها

اول شي ( وحمي )
توحمت على السلطات الحااااامضه والمالحه واللبن والليمون كنت اكله مع ملح
والفواكه اللي فيها حموضه زي البرتقال وتوحمت على فرواله مو كاملت النضج
علشان يكون فيها طعم حموضه هههههه

ثاني شي ( شكل البطن )
بطني صغير ، طولي وقالولي كذا بطن الولد

ثالث شي ( احلامي )
احلامي مافسرتها ابد بس كانت تدل على ولد
احلم بثوب ولد صغير في بيتي وبعضو ذكري واني اجامع غير زوجي والخ

رابع شي ( احلام اهلي واقاربي )
واني وخواتي كل احلامهم ولد
عمتي حلمت ببنت

خامس شي ( الحركه )
حركتي خفيفه وسريعه وبدون تعب وثقل
حركة البيبي شديده جداً جداً وحسيت فيها من نهاية الشهر الثالث
وكلها ترفيس وفي جميع الجهات يمين ويسار وفالوسط


سادس شي ( وقت الحمل )
حملي كان حمل متأخر النتيجه مابانت بدري
والسونار مأخرني عن موعد دورتي يعني الجنين بالسونار اصغر
وقالتلي الدكتوره انتي حملتي قبل الدوره بأيام


سابع شي ( اول سونار )
اول سونار فالاسبوع 16 قالتلي الدكتوره ولد وورتني شي بارز قالت هذا العضو
ثاني سونار فالاسبوع 20 قالتلي الدكتوره شكلها بنت بس كان منسدح على ظهره ومو اكيد



سويت الثري دي علشان اتاكد
تتوقعون وش طلع :hahaha:



































بنوووووووووته



صراحه انصح اللس ماسوت الثري دي تسويه مررره روعه
عجبني كثير شفت ملامحها وتطمنت على كل شي مافي اي تشوهات الحمدالله يارب
وشكلها كيووت كيوووت تجنن وقعت فغرامها والصور طول الوقت فيدي

انا سويتها فالاسبوع 21 وكان واضح تماماً وقالتلي الدكتوره هذا افضل شي
من الاسبوع 20 إلى 24
بعدين احتمال الجنين ينزل راسه تحت وماتبان الملامح

ملاحظه : مافكرت اجرب التحديد بالبول ولا السلسله ولا الجدول الصيني
لاني اشوفها خرابيط ومضيعة وقت

وبس دعواتكم الله يسهل حملي وولادتي ويتمملي على خير
ويصلحلي بنتي ويقر عيونا بشوفتها