تجربتي في معرفة جنس الجنين .. حياكم

السلام عليكم ورحمة الله وبركاته ..
كيفكم ي بنات ، زمااان عن المنتدى بس جيتكم وجايبتلكم موضوع يهم شريحه كبيره منكم ادري
خلاصة تجربتي في معرفة وتحديد جنس الجنين ..


وانا حامل ماخليت طريقه لمعرفة جنس الجنين ماقرأت عنها وكل اللي قرأته طبقته تقريباً ، وبصراحه انصدمت من النتائج


قبل ابدأ بقول لكم شي مهم ، انا الحمد لله حملت طبيعي بدون اي منشطات او ادويه وكنت اتابع دورتي لمدة سنتين قبل الحمل وكان يوم تبويضي باليوم 14 ، والفتره اللي قررت احمل فيه اتبعت انا وزوجي حميه قلويه لمدة 5 شهور لان عندي 3 بنات ونفسي في ولد
وتابعت التبويض مع الدكتوره بشكل دقيق واستخدمت الغسول القلوي والحمد لله تم الحمل
وابتدى المشوار ههههههههه وبدأت اتابع العلامات


من اول اسبوع اشتريت اختبار حمل من الصيدليه وتأكدت ان الخط اللي طلع لي خفيف جداً .. وهذا معناته ولد
رحت للمستشفى وسويت تحاليل كامله لبداية الحمل وسألت الدكتوره نوع البول حمضي ولا قلوي قالت لي قلوي .. ويقولون هذا معناته ولد
في الاسبوع الرابع تقريباً سويت اول سونار وقالت الدكتوره الحمد لله الكيس باين مدور كامل وامورك تمام .. هنا دق جرس الإنذار سبحان الله لان التجارب تقول مدور يعني بنت
في الأسبوع السابع سويت ثاني سونار وقالت لي الدكتوره فيه نبض الحمد لله .. وكان النبض 176 وهنا تذكرت الكيس المدور .. كل التجارب اللي قريتها نبض البنت اعلى من 145
بعدها بدأ معاي الوحم وكان قوي جداً جداً عكس بناتي ماعمري حسيت بوحم ، قلت شكله ولد


وبدأت وقتها اسوي كل التجارب المنزليه .. اشتريت الاختبار اللي لونه تفاحي من وحده من المندوبات وسويته مرتين وطلع لي وردي يعني بنت
سويت اختبار الملح والبول وطلعت النتيجه بنت
سويت اختبار البول لوحده وبعد 9 ساعات طلعت لي السحابه تحت يعني بنت
سويت الطريقه الفرعونيهاللي هي القمح والشعير ونبت اول شي القمح معناته بنت
سويت بيكربونات الصوديوم مع البول ومافار ابداً ، معناته بنت
وسويت اختبار الملفوف الاحمر وماتغير لونه ، معناته بنت
كنت دايماً اسوي اختبار الإبره وقلم الرصاص ويروح ويجي ماعمره سوى حركه دائريه وكذا يعني ولد
وكل هالتجارب تقريباً كررتها اكثر من مره ودائماً نفس النتيجه


وبالنسبه للحركه بدأت نهاية الثالث كانت على شكل رفرفه وكانت جهة اليسار والشهور الاخيره كانت عنيفه جداً ومستمره
بدأ صدري يكبر بشكل ضايقني والغالبيه يقولون هذا علامة البنت لان مع الحمل بولد مايكبر الصدر كثير
على الشهر الخامس والسادس بدأت اسوي السونار والدكتوره تتهرب كل مره تقول مو واضح وهذا اعتبره اكبر علامه على البنت لان الولد يبان بسرعه من نهاية الثالث والدكتورات غالباً يخافون يقولون بنت لان اتوقع يشوفون ردات فعل غريبه


طلع لي خط الصره على الشهر السابع من فوق الصره ومن تحتها بشكل واضح وبدأ بطني ياخذ شكل كوره ومن ورى شكلي طبيعي وخصري مثل ماهو ماتغير وهذا الكل يقول شكل الحمل بولد
الحمد لله تم حملي بصحه وعافيه لكن بثقل غييييييييير طبيعي ياربي يوم اتذكر الله يكتب الاجر بس والمهم ان البنات من تجاربهم يقولون الحمل بولد ثقيييل عكس البنت


واخر شي الأحلام كل أحلامي اشوف معاي بنوته تهبل


وفي الاخير ولدت ولله الحمد والمنه وجببببببتتتتتتتت





































بننننت








والحمد لله الذي بنعمته تتم الصالحات
يمكن تستغربون ان اغلب التجارب عطتني النتيجه صحيحه مع اني كنت اشوف البنات دايماً يقولون خرابيط لكن معاي ضبط كثير منها

إن شاءالله اكون افدتكم بتجربتي لاني كنت ادور كثير على تجارب من هالنوع خلال فترة حملي لكن كانت شحيحه وماحبيت ابخل عليكم وفصلت لكم كل تجربتي
دعواتكم لي ربي يحقق لي اللي في بالي