متحمسة مررة آقولكم عن تجربتي مع متجر عالم حواء الجديد , لاحظت انهم أطلقوا متجر جديد و الصراحة أول مره دخلته قفلته و قلت ما ودي أجربه.. يكفينا المقالب الي اكلناها بالمتاجر الالكترونية الثانية 😫 .. بس الفضول ذبحني 🤣 وقلت أشوف وش عندهم؟ وقلت خليني اجرب أكلمهم عالشات .. كنت ودي أشوف بيردون ولا بس شكل حاطينه،، وأرسلت لهم مسج على المحادثة و ردو علي فورا 😳 ..ما توقعت والله.. قلتلها أبغى اشتري عباية.. عطتني مجموعة روابط لعبايات منوعة كانت جميله بصراحة ..
وحدة من العبايات لفتت انتباهي حسيتها حلوه و قالتلي نوره انه خامتها ممتازه و اذا ما عجبتني ممكن ارجعها بدون ما ادفع شي .. قلت والله شي جميل بس بصراحة خفت يكونون نصابين زي مواقع ثانيه و يقولون نرجع و بالأخير ما يرجعون 😰
ولاحظت بعد انه التوصيل مجاني اذا كان طلبك فوق ٣٠٠ ريال . قلت اجرب و بحط دفع عند الاستلام و أشوف .
تم الطلب و اشتريت عبايتين و كان التوصيل مجاني 😎 .. ثاني يوم كلموني فوراً و أكدو الطلب و ثالث يوم استلمت الطلب من شركة شحن ما أدري ايش اسمها صراحة .. بس كان توصيلهم سريع والله
وحدة من العبايتين تجنن تهبل يا بناااات لون ازرق غامق مثل الصوره ومقاسها مضبوط .. و الثانية لون اسود و كانت حلوه بعد .. قماشها ممتازة .أحلى شي جتني العبايتين مكويات جاهزة للبس و معها طرحتها طبعاً.
والله صرت اضحك كيف دخلت الموقع أبي أشيك بس و أتسلى بعدين شريت عبايتين..!! بس مو ندمانه ابداً 😍😌😌
https://store.hawaaworld.com/p...
و هذا رابط العباية السوداء
https://store.hawaaworld.com/p...