تجربتي كيف اغير اتجاة راس الجنين المقعدي لتحت

ماشاءالله تبارك الله ولاحول ولاقوة الا بالله
السلام عليكم ورحمة الله وبركاتة
في البداية انا من الشهر السادس والسابع واسمع كل مراجعة الدكتورة تنطق كلمة مقعدي ماكنت اهتم لهذي الكلمة ودخلت الثامن ونفس الشي الى اخر اسبوع بالثامن وهي تنطقها بس تقولي بعدها مو مهم لسة في وقت يغير اتجاهه لان هذا مو طفلي الاول لكن جاني خوف من كلمتها اخر مراجعة الي كل مراجعة اسمعها منها ورجعت البيت وجلست على النت وكتبت مقعدي وبديت اقراء لين عرفت انه ممكن مايتغير واولد قيصري دخل الخوف بقلبي وجلست ادور حلول كيف اغير اتجاه راسة عشان ادخل التاسع وقلبي مرتاح من الطرق الي قراتها الحبي مثل الاطفال بس جسمي ثقيييل مع الحمل ماقدرت صراحة وركبي وجعتني من مرة وحدة ولمده 10 دقايق اجل كيف باسوي كل يوم ولقيت حل ثاني وهوا المشي نص ساعة متواصلة والسجود على اتجاه القبلة ربع ساعة بعده مباشرة ( مو شرط اتجاه القبلة ) ومن ضمنها لقيت كمان معلومة ان الجنين يهرب براسة للمكان الي فية ضوء وللمكان الدافي ويهرب من البارد وكثييير معلومات ومدري بصراحة عن صحت كل هذي المعلومات
المهم لكن قلت في نفسي خليني اخذ بالاسباب واجرب وقلت باعطي نفسي اسبوع واطبقها
وفعلا التزمت في المشي والسجود ( ممكن تستغلي السجود بذكر الله ) لكن يومين في هذا الاسبوع مامشيتها ماسمحتلي الفرصة
لكن اضفت شي تاني معها وانتضمت علية يوميا لمده اسبوع وكم يوم كذا لين وقت المراجعة بس وهو مرة وحدة في اليوم وبعدها انام على جنبي اليسار واتوقع هوا الي فادني بعد ارادة الله سبحانة اكيد وبعد الدعاء والاستغفار
وهو اني اشرب ماء بااارد ( ومنها يبرد معدتني عشان الحرقان ) وبعدها ادخل الله يكرمكم الحمام بسرعة واغسل من تحت ( عذرا عشان التوضيح ) بماء مايل للسخونة ( زي الغسول اعبي جك واجلس كاني في حمام عربي واتوضى منة يعني اغسل منة فقط يعني ارش منة فقط ) واخرج على طول انسدح على فراشي ومعي كيسين مجهزتهم واحد فية ماء مع ثلج وواحد ماء دااافي (( البارد احطة فوق بطني عند معدتي // والدافي فوق بطني جهت الرحم )) مالة مده محددة احطها واقلب في جوالي لين احس بنوم اشيلها واقلب نفسي لجهة اليسار وانام ( ممكن ربع ساعة تكون كافية من وجهت نظري ) والحمدالله وماشاءالله ولاقوة الا بالله دخلت التاسع بكم يوم ورحت سويت سونار وقالتلي راسة سار تحت يالله لك الحمد والشكر هم وانزاح من على صدري وبديت امشي كل يوم ساعة ومرة نص ساعة واطلع وانزل الدرج 15 مرة ومرة لين اتعب عشان يثبت راسة تحت بالحوض وياااارب يثبت راسة لين اولدة
حبيت افيدكم بتجربتي واحتسب فيها الاجر من الله وتدعولي بالولادة السهله الميسرة واشوف جنيني هوا بصحة وعافية وسليم من كل شر ولكم بمثل وكان وعد بيني وبين نفسي اذا ضبطت حكاية الحار والبارد اني انزل موضوع واعلمها لك محتاجة زيي وتبحث عن معلومة ممكن انها تفيدها
( واكيد الي بيفيدني ممكن مايفيد غيري والعكس صحيح لكن الواحد ياخذ بالاسباب ويسوي الي علية عشان يكون مرتاح بينة وبين نفسة انة جرب وحاول الي قدر علية لكن ربي ماكتب وله اكيد حكمة ويرضى بامر الله لان اكيد هوا الي فية الخير )
لاتنسوني من دعواتكم ولكم بمثل يارب
والسلام عليكم ورحمة الله وبركاتة