اهلين بنات
والله اني ما حطيت هالموضوع الا ابي الفائده لبنات حواء
بنات حنا كل عمرنا كنا نستعمل الغساله ام حوضين صح ونشيل ونحط بالنشافه وكانت عمليه الغسيل لنا متعبه :44:
هذا غير الى خلصنا لازم نروح ننشرها على الحبل بس الشهاده لله نتظيفها مافي كلام نظيف
من قبل تقريبا عشر سنوات الناس صاروا يشترون غسالات الملابس التماتيك
اللي تفتح من فووق
وخاصه ربه المنزل اللي عندها اطفال ولا عندها خدامه تساعدها تشتري هذي افضل لها
وانا اقولكم جربت الثنتين اللي فوق كلهن
بس صراحه فرررق بالتنظيف
ام حوضين تنظف مرره اماالثانيه لا والله عادي تنظيفها بعض الاحيان احط ملابس بناتي وتطلع كاني ما غسلتها
وخربت هالغساله من قريب
بعد ما جلست عندي تقريبا ثمان سنوات
وابحث بالنت عن غساله زينه وتماتيك وتنظف اكثر من هاللي فوووق
واشوف الجرايد كل مره يعلنون شركه الماء والكهرباء ان الغساله اللي تفتح من الامام توفر 50%كهرباء و50% ماء
يعني فرررق بالاستهلاك
يعني تخيلو حنا احوج الناس لهالغساله لاننا اصلا بلد ماعنده ماء يالله تسدنا مويه البحر :)
واتوكل على الله واشتريها
والله يا بنات انها ماشاء الله تنظف تنظيف عميييق ولا تطلع ملابس بناتي وصخه مثل اول
وتتحكمين بدرجه الحراره
وتطلع وصخ ولا تعبي وتكب مثل الغسالات اللي تنفتح من فوق وتتحسرين على المويا اللي تنكب
صحيح ان اللي تفتح من فوق انها اريح وتحطين فيها الملابس وانتي واقفه لكن هذي الافضل بوجهه نظري
وقبل لا اشتريها استشرت بنات حواء والله يعطيهم العافيه ما قصروا افادوني كثييير
من جربت الغساله اللي تفتح من الامام
حبيت افيدكم والله اخواتي مثل ما انا استفدت
اللي يعجبها الموضوع تدعي لي ان الله يثبت قلبي على دينه :)