تجربتي لتسهيل الولادة (بكرية)

مساء الخير حبيباتي..
كنت وعدت بعض العضوات هنا اني انزل تجربتي بخصوص استخدام كبسولات زيت زهرة الربيع المسائية و ها أنا أوفي بوعدي لعلني أفيدكم..
في فترة حملي كنت كثيرة القراءة عن الحمل والولادة وما يصاحبهما من تغيرات و و و الخ، وكنت ابحث ايضا في المجتمعات الأخرى عن وسائل تسهل وتساعد على الولادة السهلة والسريعة (حلم الجميع) لقيت انه في البلدان الاجنبية ينصح دكاترة الولادة والقابلات بشرب شاي اوراق توت العليق الأحمر لما اه فائدة في تقوية عضلة الرحم وجعل انقباضات الولادة أكثر كفاءة، وايضا ينصحون بتناول كبسولات زيت الزهرة المسائية وهي عبارة عن مكملات غذائية وفائدتها تكمن في تطرية وترقيق عنق الرحم والذي يساعد على التوسع السريع اثناء الولادة. ويتم تناول الشاي من اول التاسع اما الكبسولات من نصف الثامن..وانا جربت الاثنين صراحة لكن ما داومت على الشاي لأنه كان يسببلي متل الهبوط والدوخة مع انه لم ارى مستخدمينه يشكون من هذه الأعراض..لكن الكبسولات داومت عليها وكنت اخد في اول اسبوع 500 جرام كل اسبوع ازيد 500..في الاسبوع الثالث من التاسع ذهبت لأرى التوسع وجدتني متوسعة 2 سانتي و الدكتورة وسعتلي ل 3 بكل سهولة وقالتلي ما شاء الله وضعك ممتاز بالنسبة لبكرية..المهم ضليت متوسعة لغاية يوم ما سكرت 41 اسبوع وكان عندي موعد عادي لقوني متوسعة من 4 ل 5 و حكولي يلا ولادة طبعا كنت متفاجئة جدا لأنه مافي طلق! مجرد وجع خفيف في الضهر ولكن بصراحة كان يجيني طلق بارد طوال التاسع..المهم دخلت عال 11 ونص ولما لبسوني الروب و اعطوني الابرة الشرجية و و و الى ان استقريت عالسرير كانت الساعة 12 ونص وكشفو لقوني من 5 ل 6 ما شاء الله وانا مبسوطة والطلق بدا يجي بس فتحو الكيس وركبولي طلق صناعي، الحمدلله كان التوسع بمعدل سانتي كل ساعة وما صارت 4 ونص الا وانا والدة الحمدلله..ولادتي كانت بدون ابرة لأنه ما كان في وقت يعطوني اياها و كمان شجعوني انه اموري ماشية تمام والابرة بتأخر الولادة وخروج الراس. وهاي تجربتي مع الكبسولات وانا بالفعل كنت لما اقرأ تجارب اللي اخدوها كلهم وصفو ولادتهم بالسهلة والسريعة وانهم ما احتاجو يشقولهم العجان (طبعا احنا عنا اجباري)..

بالنسبة لتناولها كانت اتناولها عن طريق الفم مع العلم انه معظم اللي بيتناولوها بياخدوها بالفم و بيحطو وحدة في المهبل قبل النوم و ومافي نص ساعة ل ساعة الا وهي دايبة ومنزلة خلاصتها..الفكرة من الكبسولات انها فيها مادة تعمل عمل هرمون البروستاجلاندن وهو الهرمون اللي بيفرزه الجسم لتطرية عنق الرحم وهو نفس اللي موجود في مني الرجل وفي الاناناس وتناولنا للحبوب زي كأننا بنعطي جسمنا جرعة اكبر عشان يسرع من العملية..

وبس!! ارجو ان اكون افدتكم و اي سؤال انا حاضرة