تجربتي لتنشيط حجم البويضه

السلام عليكم ورحمة الله وبركاته
 
اخواتي الحوائيات انا من مده وانا متابعه لهالمنتدى
وخصوصاً هالقسم لأني بعاني في مشكلة الحمل والحمد لله على كل شي 

انا عندي ضعف في حجم البويضه وجربت هالوصفه وفي اليوم الثاني عشر من بعد الدوره رحت للعياده وعملت جهاز وطلعت حجم بويضتي 18,5 الحمد لله وعطتني الطبيبه ابره تنزل لي البويضه وحددت لي الايام اللي انام فيها مع زوجي وان شاء الله ربي يكتب لي الحمل انا وكل محرومه 
وحبيت انقل لكن هالوصفه لعل وعسى كلنا نستفيد منها بعد فضل (( الله سبحانه وتعالى ))

والوصفه سهله جدآ عباره عن حبتين ثمرة جوزة الطيب مع عسل اصلي والطريقه تأخذي حبه وحده جوزة الطيب وتكسريها وتأخذي البذره اللي داخلها و تطحنيها زين وتقسمي البذره المطحونه الى ثلاث اقسام كل قسم يأكل مع ملعقة عسل اصلي صافي لمدة اول ثلاث ايام من بداية الدوره الشهريه على الريق والامتناع عن الاكل بعدها لمدة ساعه والحبه الثانيه تستخدميها بنفس الطريقه بس بعد ما تطهرين من الدوره لمدة ثلاث ايام 


الله يكتب لي ولكل محرومه الذرية الصالحه يا رب العالمين