تجربتي لتنظيف الرحم وقت النفاس وبعده

بسم الله الرحمن الرحيم
قريت من كم يوم خلطه لتنظيف الرحم والتضييق للمنطقه وللاسف مالقيت الموضوع منتشر بالشكل اللي يستحقه ولا لقيت احد كاتب تجربته عن هالخلطه غير صاحبه الموضوع
فانا قررت استخدمها وان لقيت النتيجه المذكوره قلت بكتبها بعالم حواء عشان تدعون لي واتمنى كمان اللي تجربها وتلقى نتيجه تشاركنا ولا تحرمنا من تجربتها
والله يحزاها خير اللي كتبت الخلطه وين ماكانت لاني والله ماتوقعت كده فوايدها
اول شي انا كان لي نفاس 25 يوم او27 وكان الدم خالص اللهم البواقي من اللون الابيض هي بس اللي تنزل والله يابنات ماسويت هالخلطه الا مره والثانيه واتفاجأ بالدم البني والبواقي نزلت وحسيت المنطقه والرحم انشد وانلم بعد ماكنت احس بهواء ورطوبه
مشاء الله لا قوة الا بالله نتيجه مبهره
لا تسويها الا بعد العشرين من الولاده افضل او عشر الايام الاخيره من الاربعين
وتقدري كمان بعد النفاس تسويها بس مو كل يوم  يعني مرتين بالاسبوع تكفي
اما ااول ماتسويها خليها لمده اسبوع كل يوم
الخلطه جدا سهله
عسل سدر او اي نوع متوفر عندك  ومنقوع المره ومنقوع البابونج ومطحون شمع النحل
بعد ماتخلطيهم حطيهم في مويه دافيه بالمغطس اللي تجلسي فيه  اكيد تعرفونه بتوفر بالصيدليات 
المهم اجلسي فيه لمده خمس او عشر دقايق
الكميه انا بصراحه سويتها عشوائيه المهم يكون العسل ومنقوع المره اكثر من منقوع البابونج وشمع النحل ملعقه صغيره لانه يطفو بالمويه عشان مايضايقك لما تجلسي بالمغطس
اتمنى يكون شرحي واضح واي سؤال انا حاضره
وان شاءالله قريب بنزل موضوع عن تجربتي للتخلص من مغص الاطفال
بس وروني حماسكم ودعواتكم
ربي يجعلني من المتقين انا وذريتي واهل الصلاح في الدنيا والاخره